ദുബായ്: ദുബായ് രാജ്യാന്തര വിമാനത്താവള റൺവേ ഈ മാസം 22ആം തീയതി തുറക്കും. പുനരുദ്ധാരണ പ്രവർത്തനങ്ങൾ പൂർത്തിയാക്കിയ ശേഷമാണ് റൺവേ തുറക്കുന്നത്. ഇതോടെ അൽമക്തൂം വിമാനത്താവളത്തിൽ നിന്ന് മുഴുവൻ വിമാന സർവീസുകളും ദുബായ് വിമാനത്താവളത്തിലേക്ക് മാറും.
പുനരുദ്ധാരണത്തിന്റെ ഭാഗമായി 4,500 മീറ്റർ റൺവേയും, റൺവേയുമായി ബന്ധിപ്പിക്കുന്ന ടാക്സി വേയും നവീകരിച്ചു. 4,230 എൽഇഡി വിളക്കുകൾ പുതുതായി സ്ഥാപിക്കുകയും ചെയ്തു. സുരക്ഷയും കൂടുതൽ വിമാന സർവീസുകളും ഉറപ്പാക്കാൻ ആധുനിക കാലാവസ്ഥാ നിരീക്ഷണ സംവിധാനങ്ങളും പുതിയതായി സ്ഥാപിച്ചിട്ടുണ്ട്.
വിമാനത്താവളത്തിലേക്ക് കൂടുതൽ യാത്രക്കാരെ പ്രതീക്ഷിച്ചാണ് ഇപ്പോൾ നവീകണം നടത്തിയത്. അടുത്ത 10 വർഷത്തെ യാത്രാത്തിരക്ക് പരിഗണിച്ചാണിത്. 45 ദിവസം കൊണ്ടാണ് പുനരുദ്ധാരണ പ്രവർത്തനങ്ങൾ പൂർത്തിയാക്കിയത്.
Read also: പ്രവാചകനെതിരെ ബിജെപി നേതാക്കളുടെ പരാമർശം; അപലപിച്ച് അമേരിക്കയും