കോഴിക്കോട്: ജില്ലയിലെ നിയമസഭാ തിരഞ്ഞെടുപ്പ് നടന്ന മണ്ഡലങ്ങളിലെ സ്ഥാനാർഥികളുടെ ചിലവ് പരിശോധിക്കുന്നതിന് ഇന്ന് തുടക്കമാവും. പേരാമ്പ്ര, ബാലുശേരി, എലത്തൂർ, കോഴിക്കോട് നോർത്ത് മണ്ഡലങ്ങളിലെ സ്ഥാനാർഥികളുടെ തിരഞ്ഞെടുപ്പ് ചിലവ് പരിശോധനയാണ് ഇന്ന് നടക്കുന്നത്. കോഴിക്കോട് താലൂക്ക് ഓഫീസ് കോൺഫറൻസ് ഹാളിലാണ് പരിശോധന.
സ്ഥാനാർഥികളോ ഏജന്റുമാരോ നിശ്ചിത സമയത്ത് പരിശോധന നടക്കുന്ന കോൺഫറൻസ് ഹാളിൽ ഹാജരാകണം. വടകര, കുറ്റ്യാടി, നാദാപുരം, കൊയിലാണ്ടി മണ്ഡലങ്ങളിലെ പരിശോധന ബുധനാഴ്ചയും കോഴിക്കോട് സൗത്ത്, ബേപ്പൂർ, കുന്നമംഗലം, കൊടുവള്ളി, തിരുവമ്പാടി എന്നിവിടങ്ങളിലേത് വ്യാഴാഴ്ചയുമാണ് നടക്കുക.
Read Also: ബ്ളാക്ക് ഫംഗസ്; കോഴിക്കോട് മെഡിക്കൽ കോളേജിൽ മരുന്നിന് ക്ഷാമം