ശ്രീനഗർ: ജമ്മു കശ്മീരിലെ പുൽവാമയിൽ സുരക്ഷാ സേനയും ഭീകരരും തമ്മിൽ ഏറ്റുമുട്ടൽ തുടരുന്നു. സൗത്ത് കശ്മീരിലെ പുൽവാമ കാകപോര മേഖലയിലാണ് വെടിവെപ്പ് ഉണ്ടായത്.ഏറ്റുമുട്ടലിൽ രണ്ട് ജവാന്മാർക്ക് പരിക്കേറ്റു. കശ്മീർ പോലീസ്, സിആർപിഎഫ്, 50 രാഷ്ട്രീയ റൈഫിൾസ് എന്നിവ സംയുക്തമായി നടത്തിയ തിരച്ചിലിലാണ് ഒളിവിലായിരുന്ന ഭീകരരെ കണ്ടെത്തിയത്. കാകപോരയിലെ മർവാൽ ഗ്രാമത്തിൽ ഭീകരർ ഒളിച്ചിരിക്കുന്നതായി സുരക്ഷാ സേനക്ക് രഹസ്യ വിവരം ലഭിച്ചിരുന്നു.
Kerala News: ദിലീപിന്റെ ജാമ്യം റദ്ദാക്കണമെന്ന് പ്രോസിക്യൂഷന്‍; ഹരജി ഇന്ന് പരിഗണിക്കും
ജമ്മു കശ്മീർ പോലീസ് ഏറ്റുമുട്ടൽ സ്ഥിരീകരിച്ചതായി വാർത്താ ഏജൻസിയായ എഎൻഐ ട്വീറ്റ്‌ ചെയ്തു. വെടിവെപ്പ് തുടരുകയാണെന്ന് സൂചനകളുണ്ട്. പോലീസ് നൽകുന്ന വിവരങ്ങൾ അനുസരിച്ച് മേഖലയിൽ രണ്ടിലധികം ഭീകരർ കുടുങ്ങിയതായാണ് റിപ്പോർട്ടുകൾ.
