ദുബായ്: ഇത്തിഹാദ് എയർവേസ് നാളെ മുതൽ അഞ്ച് ഇന്ത്യൻ നഗരങ്ങളിൽ നിന്ന് യുഎഇയിലേക്ക് വിമാന സർവീസ് ആരംഭിക്കും. ചെന്നൈ, കൊച്ചി, ബെംഗളൂരു, തിരുവനന്തപുരം, ന്യൂഡെൽഹി എന്നീ നഗരങ്ങളിൽ നിന്നാണ് യുഎഇയിലേക്ക് വിമാന സർവീസുകൾ നടത്തുക. കഴിഞ്ഞ ദിവസമാണ് ഇന്ത്യയിൽ നിന്നുള്ളവർക്ക് നിയന്ത്രണങ്ങളോടെ യുഎഇയിലേക്ക് പ്രവേശിക്കാനുള്ള അനുമതി ലഭിച്ചത്.
ആഗസ്റ്റ് 10 മുതൽ നിലവിൽ ഉള്ളതിന് പുറമെ അധികമായി മൂന്ന് ഇന്ത്യൻ നഗരങ്ങളിൽ നിന്ന് കൂടി സർവീസ് ആരംഭിക്കാനാണ് അബുദാബി ആസ്ഥാനമായുള്ള വിമാന കമ്പനിയുടെ തീരുമാനം. യുഎഇയിലേക്ക് മടങ്ങുന്ന യാത്രക്കാർക്ക് സാധുവായ റസിഡൻസി വിസയും, കോവിഡ് വാക്സിനേഷൻ സർട്ടിഫിക്കറ്റും ആവശ്യമാണെന്ന് വിമാനക്കമ്പനി അറിയിച്ചു.
യുഎഇയിൽ നിന്ന് രണ്ട് ഡോസ് വാക്സിൻ സ്വീകരിച്ച താമസ വിസക്കാർക്ക് മാത്രമാണ് മടങ്ങാൻ അനുമതി. സന്ദർശക വിസക്കാർക്ക് അനുമതിയില്ല. ഇന്നലെ മുതൽ പ്രാബല്യത്തിൽ വന്ന പുതിയ ഇളവുകൾ പ്രകാരം യാത്രക്കാർക്ക് യുഎഇ എമിഗ്രേഷൻ അധികൃതരുടെ അനുമതി ലഭ്യമായി തുടങ്ങിയിട്ടുണ്ട്.
Read Also: ഖേൽരത്നയിൽ രാജീവ് ഗാന്ധിയില്ല; പുരസ്കാരം ഇനി ധ്യാൻചന്ദിന്റെ പേരിൽ