പാലക്കാട്: പച്ചക്കറി ലോറിയിൽ ഒളിപ്പിച്ചുകടത്താണ് ശ്രമിച്ച വൻ സ്ഫോടക വസ്തു ശേഖരം പിടികൂടി. പാലക്കാട്, മണ്ണാർക്കാട്ടുനിന്നാണ് എക്സൈസ് സംഘം സ്ഫോടക വസ്തു ശേഖരം പിടികൂടിയത്.
25 കിലോ വീതം ഭാരമുള്ള 75 പെട്ടികളിൽ കടത്താൻ ശ്രമിച്ച ഡിറ്റനേറ്ററുകളാണ് പിടികൂടിയത്. ലോറിയുടെ ഡ്രൈവറെയും ക്ളീനറെയും എക്സൈസ് കസ്റ്റഡിയിൽ എടുത്തിട്ടുണ്ട്. സേലം സ്വദേശികളായ ഇളവരശൻ, കാർത്തി എന്നിവരാണ് പിടിയിലായത്.
കോയമ്പത്തൂരിൽ നിന്ന് മലപ്പുറം ജില്ലയിലേ സ്ഫോടക വസ്തുക്കൾ കടത്താനാനുള്ള ശ്രമമായിരുന്നു എന്നാണ് വിവരം.ഒന്നരക്കോടിയോളം രൂപ വില വരുന്ന 6,250 കിലോഗ്രാം സ്ഫോടക വസ്തുക്കളാണ് ലോറിയിൽ ഉണ്ടായിരുന്നത്.
Also Read: ശബരിമല, പൗരത്വ നിയമ പ്രക്ഷോഭങ്ങൾ; കേസുകൾ പിൻവലിക്കാൻ ഉത്തരവിറങ്ങി