ന്യൂയോര്ക്ക്: മുന് അമേരിക്കന് പ്രസിഡണ്ട് ഡൊണാള്ഡ് ട്രംപിന്റെ അക്കൗണ്ട് നീക്കം ചെയ്തതായി ഫേസ്ബുക്ക്. രണ്ട് വര്ഷത്തേക്ക് ട്രംപിന്റെ അക്കൗണ്ട് ഫേസ്ബുക്കില് നിന്നും നീക്കം ചെയ്തുവെന്നാണ് റിപ്പോർട്. 2023 വരെ സസ്പെൻഷൻ തുടരുമെന്ന് ഫേസ്ബുക്ക് അധികൃതര് അറിയിച്ചു.
രാഷ്ട്രീയക്കാരായ ഉപയോക്താക്കൾക്ക് നല്കിയിരുന്ന പ്രത്യേക പരിഗണന പിന്വലിക്കുമെന്ന് ഫേസ്ബുക്ക് അറിയിച്ചതിന് തൊട്ടുപിന്നാലെയാണ് ട്രംപിന് മേല് രണ്ട് വര്ഷത്തേക്ക് വിലക്കേര്പ്പെടുത്തിയത്.
അമേരിക്കയിലെ കാപ്പിറ്റോള് കലാപം സംബന്ധിച്ച് ജനങ്ങളെ തെറ്റിദ്ധരിപ്പിക്കുന്ന തരത്തില് പോസ്റ്റ് ചെയ്ത ചില സന്ദേശങ്ങളെ തുടര്ന്ന് ട്രംപിന്റെ ഫേസ്ബുക്ക്, ഇന്സ്റ്റഗ്രാം അക്കൗണ്ടുകള്ക്ക് നേരത്തെ നിരോധനം ഏര്പ്പെടുത്തിയിരുന്നു. ട്രംപ് പോസ്റ്റ് ചെയ്ത ട്വീറ്റുകളും വീഡിയോയും അക്രമത്തിന് ആഹ്വാനം ചെയ്യുന്നതാണെന്ന് ചൂണ്ടിക്കാട്ടി ട്വിറ്ററും യൂട്യൂബും ഇവ നീക്കം ചെയ്യുകയും തുടര്ന്ന് ഇദ്ദേഹത്തിന്റെ ട്വിറ്റര് അക്കൗണ്ട് മരവിപ്പിക്കുകയും ചെയ്തിരുന്നു.
Read also: കുഴൽപ്പണക്കേസ്; ദേശീയ ജനറൽ സെക്രട്ടറിമാരുടെ യോഗം ചർച്ച ചെയ്യും