തെലുഗു സൂപ്പർ താരം അല്ലു അർജുന്റെ ഏറ്റവും പുതിയ ചിത്രം ‘പുഷ്പ‘യിൽ മലയാളത്തിന്റെ പ്രിയനടൻ ഫഹദ് ഫാസിൽ വില്ലനായി എത്തുന്നു. ബി സുകുമാർ സംവിധാനം ചെയ്യുന്ന ചിത്രത്തിൽ ചന്ദനകടത്തുകാരൻ പുഷ്പയായാണ് അല്ലു അർജുൻ എത്തുന്നത്. ഈ വർഷം ആഗസ്റ്റ് 13 റിലീസ് നിശ്ചയിച്ച ചിത്രത്തിൽ രശ്മിക മന്ദാനയാണ് നായിക.
View this post on Instagram
തിരക്ക് നിറഞ്ഞ രണ്ട് ഷെഡ്യുളുകൾ ഇതുവരെ പൂർത്തിയാക്കി കഴിഞ്ഞു. അതിന് ശേഷമാണ് ആരാധകർ ഏറെ പ്രതീക്ഷയോടെ കാത്തിരുന്ന പ്രഖ്യാപനം വന്നത്. ചിത്രത്തിൽ മികച്ച താരം തന്നെ വില്ലനായി എത്തുമെന്ന് സുകുമാർ അറിയിച്ചിരുന്നു. തമിഴ് നടൻമാരായ വിജയ് സേതുപതി, ആര്യ എന്നിവരുടെ പേരുകളും ഉയർന്ന് കേട്ടിരുന്നു.
Read Also: ‘ഈസ് ഓഫ് ഡൂയിങ് ബിസിനസ്’ സൂചിക; 20 സംസ്ഥാനങ്ങൾ പരിഷ്കാരങ്ങൾ നടപ്പിലാക്കി