കണ്ണൂർ: ജില്ലയിലെ ആറളത്ത് ആദിവാസി കർഷകനെ കാട്ടാന ചവിട്ടിക്കൊന്നു. കണ്ണൂര് ആറളം ഫാം ഏഴാം ബ്ളോക്കിലെ ദാമു(45) ആണ് മരിച്ചത്. ഈറ്റ വെട്ടാൻ ഇറങ്ങിയതിന് പിന്നാലെയാണ് കാട്ടാന ദാമുവിനെ ആക്രമിച്ചത്.
നിലവിൽ വനംവകുപ്പ് ഉദ്യോഗസ്ഥർ കാട്ടാനകളെ പ്രദേശത്ത് നിന്നും തുരത്താൻ ശ്രമിക്കുകയാണ്. നിലവിൽ കണ്ണൂരിലെ മലയോര മേഖലകളിൽ കാട്ടാനശല്യം രൂക്ഷമായി തുടരുകയാണ്.
കൂടാതെ ആറളം പാലപ്പുഴയില് കാട്ടാന സ്കൂട്ടര് തകര്ക്കുകയും ചെയ്തു. ആറളം ഫാമിലെ സെക്യൂരിറ്റി ജീവനക്കാരന് സതീഷ് നാരായണന്റെ വാഹനമാണ് കാട്ടാന തകര്ത്തത്. ആനയുടെ മുമ്പില്പ്പെട്ട സതീഷ് അൽഭുതകരമായി രക്ഷപ്പെടുകയായിരുന്നു.
Read also: കോളേജ് കെട്ടിടത്തിൽ നിന്നും ചാടിയ വിദ്യാർഥിനി കോട്ടയത്ത് മരിച്ചു