ന്യൂ ഡെൽഹി: വിവാദ കാർഷിക നിയമത്തിനെതിരെ ഉള്ള കർഷ പ്രക്ഷോഭങ്ങളെ കോൺഗ്രസിന്റെ നാടകമെന്ന് വിളിച്ച് കേന്ദ്ര വാർത്താ വിതരണ-പരിസ്ഥിതി മന്ത്രി പ്രകാശ് ജാവദേക്കർ. ട്വിറ്ററിൽ ഇന്നു ഡെൽഹിയിൽ ഇന്ത്യാ ഗേറ്റിനു മുമ്പിൽ നടന്ന കർഷ പ്രതിഷേധത്തിന്റെ വാർത്ത പങ്കുവച്ചുകൊണ്ടായിരുന്നു ജാവദേക്കറിന്റെ പരാമർശം.
“കോൺഗ്രസ് പ്രവർത്തകർ ട്രക്കിൽ ട്രാക്റ്റർ കൊണ്ടുവന്ന് ഇന്ത്യ ഗേറ്റിന് സമീപം കത്തിച്ചു. ഇത് കോൺഗ്രസിന്റെ നാടകമാണ്. അതുകൊണ്ടാണ് ജനങ്ങൾ കോൺഗ്രസിനെ അധികാരത്തിൽ നിന്ന് പുറത്താക്കിയത്,”- പ്രകാശ് ജാവദേക്കർ ട്വീറ്റ് ചെയ്‌തു.
कांग्रेस के कार्यकर्ताओं ने ट्रक में ट्रेक्टर लाए और इंडिया गेट के पास जलाया। यही है कांग्रेस का नाटक। इसलिए कांग्रेस को लोगों ने सत्ता से बेदखल किया। https://t.co/uPOFizT3KR
— Prakash Javadekar (@PrakashJavdekar) September 28, 2020
ഇന്നു രാവിലെ 7.30ഓടുകൂടിയാണ് 20ഓളം വരുന്ന പ്രതിഷേധക്കാർ ഇന്ത്യാ ഗേറ്റിന് മുമ്പിൽ ഒത്തുകൂടിയത്. തുടർന്ന് ട്രാക്റ്ററിന് തീവച്ച് ഇന്ത്യാ ഗേറ്റിന് മുമ്പിൽ കുത്തിയിരുന്ന് പ്രതിഷേധിച്ചു. അഗ്നിശമന സേനയും പോലീസും ചേർന്ന് തീ കെടുത്തുകയും ട്രാക്റ്റർ നീക്കം ചെയ്യുകയും ചെയ്‌തു.
Related News: പ്രതിഷേധം ആളിക്കത്തുന്നു; ഇന്ത്യാ ഗേറ്റിൽ ട്രാക്റ്റർ കത്തിച്ച് കർഷകർ
