സമരം ശക്‌തമാക്കും; നേതാക്കളുടെ വീട് വളയാൻ കർഷകർ- ബിജെപിക്ക് ആശങ്ക

ഡെൽഹി ചലോ മാർച്ച് നൂറാം ദിവസം പൂർത്തിയാകുന്ന നാളെ മുതൽ സമരം ശക്‌തമാക്കാനാണ് കർഷകരുടെ തീരുമാനം. ഹരിയാനയിലും പഞ്ചാബിലും തിരഞ്ഞെടുപ്പ് നടക്കാനിരിക്കെയാണ് കർഷകർ സമരം ശക്‌തമാക്കുന്നത്.

By Trainee Reporter, Malabar News
Delhi chalo march
Rep. Image
Ajwa Travels

ന്യൂഡെൽഹി: ഡെൽഹി ചലോ മാർച്ച് നൂറാം ദിവസം പൂർത്തിയാകുന്ന നാളെ മുതൽ സമരം ശക്‌തമാക്കാൻ ഒരുങ്ങി കർഷകർ. ബിജെപി നേതാക്കളുടെ വീട് വളഞ്ഞ് പ്രതിഷേധിക്കാനാണ് നേതാക്കളുടെ തീരുമാനം. ദേശീയ പാതകളിൽ ട്രാക്‌ടറുകൾ നിരത്തി ഗതാഗതം തടഞ്ഞും തീവണ്ടി തടഞ്ഞുമൊക്കെയുള്ള പ്രക്ഷോഭവുമായാണ് കർഷകർ ഇതുവരെ മുന്നോട്ട് പോയത്.

ബിജെപി നേതാക്കളെ തോൽപ്പിക്കാൻ ആഹ്വാനം ചെയ്‌തും നേതാക്കളുടെ പ്രചാരണം തടഞ്ഞും തിരഞ്ഞെടുപ്പ് കാലത്തും പ്രക്ഷോഭം സജീവമായിരുന്നു. ഹരിയാനയിലും പഞ്ചാബിലും തിരഞ്ഞെടുപ്പ് നടക്കാനിരിക്കെയാണ് കർഷകർ സമരം ശക്‌തമാക്കുന്നത്. ഇത് ബിജെപിക്ക് ആശങ്കയാകുന്നുണ്ട്. ആറും ഏഴും ഘട്ടങ്ങളിലായാണ് ഹരിയാനയിലും പഞ്ചാബിലും വോട്ടെടുപ്പ്.

നാളെ മുതൽ സമരരീതി മാറുമെന്നാണ് കർഷകരുടെ മുന്നറിയിപ്പ്. ഉപരോധ സമരം പഞ്ചാബിലെയും ഹരിയാനയിലെയും ബിജെപി നേതാക്കളുടെ വീടിന് മുന്നിലേക്കാണ് മാറ്റുന്നത്. നരേന്ദ്രമോദിയും അമിത്ഷായും ഇരു സംസ്‌ഥാനങ്ങളിലും പ്രചാരണത്തിനായി എത്തുമ്പോൾ ചോദ്യങ്ങളുമായി കൂട്ടത്തോടെ പ്രചാരണ വേദിയിലേക്ക് കടന്നുചെല്ലാനും സമരക്കാർ നീക്കം നടത്തുന്നുണ്ട്.

കർഷക നേതാക്കളെ അനാവശ്യമായി ജയിലിലടക്കുന്നതിൽ പ്രതിഷേധിച്ചാണ് പ്രക്ഷോഭം കടുപ്പിക്കുന്നത്. തിരഞ്ഞെടുപ്പിന് ശേഷം ജൂൺ രണ്ടുമുതൽ ഡെൽഹി ചലോ മാർച്ച് കൂടുതൽ ശക്‌തമാക്കുമെന്ന് സംയുക്‌ത കിസാൻ മോർച്ച വാർത്താ കുറിപ്പിൽ അറിയിച്ചു.

താങ്ങുവിലയ്‌ക്ക് നിയമസാധുത നൽകണമെന്നത് ഉൾപ്പടെയുള്ള ആവശ്യങ്ങളുയർത്തി ഫെബ്രുവരി 13നാണ് കർഷകർ പഞ്ചാബിലെ അതിർത്തിയിൽ രണ്ടാം കർഷക സമരത്തിന് തുടക്കം കുറിച്ചത്. ഇതുവരെ 21 പേർ സമരത്തിനിടെ രക്‌തസാക്ഷികളായെന്നാണ് കർഷക നേതാക്കൾ പറയുന്നത്.

Most Read| ഗർഭഛിദ്രം ഭരണഘടനാ അവകാശമാക്കി ഫ്രാൻസ്

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE