ഗാസിയാബാദ്: കേന്ദ്ര കാർഷിക നിയമങ്ങൾക്ക് എതിരെ ബിജെപി എംപിമാരും എംഎൽഎമാരും ഉൾപ്പടെയുള്ള ജനപ്രതിനിധികളുടെ വീടുകൾക്കു മുന്നിൽ ശനിയാഴ്‌ച കർഷകർ പ്രതിഷേധിക്കും. കർഷക സംഘടനകളുടെ യോഗത്തിലാണ് ഇതു സംബന്ധിച്ച തീരുമാനം എടുത്തത്. ബിജെപിക്ക് പ്രതിനിധികൾ ഇല്ലാത്ത സ്‌ഥലങ്ങളിൽ ജില്ലാ മജിസ്ട്രേറ്റുമാരുടെ വസതിക്കു മുന്നിലായിരിക്കും പ്രതിഷേധം.
കാർഷിക നിയമം പ്രഖ്യാപിച്ചുകൊണ്ട് കേന്ദ്രം ഓർഡിനൻസ് പുറത്തിറക്കി ഒരു വർഷം തികയുമ്പോഴാണ് കർഷകരുടെ പുതിയ പ്രതിഷേധ മുറ. വിവാദ നിയമങ്ങളുടെ പകർപ്പുകൾ കത്തിക്കുമെന്ന് ഭാരതീയ കിസാൻ യൂണിയൻ മാദ്ധ്യമ വക്‌താവ് ധർമേന്ദ്ര മാലിക് അറിയിച്ചു.
Read also: മുലയൂട്ടുന്ന അമ്മമാർക്ക് വാക്‌സിനേഷനിൽ മുന്‍ഗണന നൽകണം; ദേശീയ മനുഷ്യാവകാശ കമ്മീഷന്‍
