അബുദാബി: റോഡിന് കുറുകെ അനുമതിയില്ലാത്ത സ്ഥലങ്ങളിലൂടെ നടന്ന ആളുകൾക്ക് പിഴ ഈടാക്കി അബുദാബി. മലയാളികൾ ഉൾപ്പടെ വിവിധ രാജ്യങ്ങളിൽ നിന്നുള്ള കാൽനട യാത്രക്കാർക്കാണ് പിഴ ഈടാക്കിയിരുന്നത്. 7,873 ആളുകൾക്ക് പിഴ ഈടാക്കാൻ അധികൃതർ നിർദ്ദേശം നൽകിയിട്ടുണ്ട്.
400 ദിർഹമാണ്(8,046 രൂപയാണ്) പിഴയായി ഈടാക്കുന്നത്. റോഡ് ഉപയോക്താക്കളുടെ ജീവനും സുരക്ഷയും അപകടത്തിലാക്കുന്ന നടപടിയിൽ നിന്ന് കാൽനട യാത്രക്കാർ വിട്ടുനിൽക്കണമെന്നും അബുദാബി പോലീസ് അറിയിച്ചു.
കൂടാതെ സീബ്രാ ലൈനിലൂടെയോ ഭൂഗർഭ പാതയിലൂടെയോ മേൽപാലങ്ങളിലൂടെയോ മാത്രമേ റോഡ് മുറിച്ചുകടക്കാൻ പാടുള്ളൂ. സിഗ്നലുകളിൽ കാൽനട യാത്രക്കാർക്കുള്ള പച്ച വെളിച്ചം തെളിഞ്ഞാൽ സുരക്ഷിതമായി നടക്കാമെന്ന് അധികൃതർ വ്യക്തമാക്കി.
Read also: ഇ-പോസ് സംവിധാനത്തിൽ വീണ്ടും തകരാർ; പ്രതിസന്ധിയിലായി റേഷൻ വിതരണം