കോഴിക്കോട് : ജില്ലയിലെ മിഠായിത്തെരുവിൽ പടക്കക്കടക്ക് തീപിടുത്തം ഉണ്ടായി 8 പേർ മരിച്ച സംഭവത്തിൽ കടയുടമ കുറ്റക്കാരനല്ലെന്ന് കോടതി വിധി. 2007ലാണ് കേസിനാസ്പദമായ സംഭവം ഉണ്ടായത്. കേസിൽ പ്രോസിക്യൂഷന് കുറ്റം തെളിയിക്കാൻ സാധിക്കാത്തതിനെ തുടർന്നാണ് കടയുടമയായ ജഗദീഷിനെ കോടതി കുറ്റവിമുക്തനാക്കിയത്.
തീപിടുത്തം ഉണ്ടായി മരിച്ചവരുടെ കൂട്ടത്തിൽ പ്രായപൂർത്തിയാകാത്ത ആളുകളും ഉള്ളതിനാൽ കേസിന്റെ വിചാരണ നടന്നത് പോക്സോ കോടതിയിലാണ്. മതിയായ സുരക്ഷ ഇല്ലാതെ വൻതോതിൽ പടക്കങ്ങൾ സംഭരിച്ച് കച്ചവടം നടത്തിയതിനാണ് കടയുടമക്കെതിരെ കേസ് രജിസ്റ്റർ ചെയ്തിരുന്നത്.
Read also : ബിലാത്തിക്കുളം നവീകരണ പദ്ധതിക്ക് തുടക്കമായി