കോഴിക്കോട് : ജില്ലയിലെ കാരന്തൂർ കശ്മീർകുന്നിൽ പതിവായി തീപിടുത്തം ഉണ്ടാകുന്നത് പരിസരവാസികളെ ഭീതിയിലാക്കുന്നു. കുന്നിലെ ഉണങ്ങിയ പുല്ലിൽ തീപടർന്ന് സമീപ പ്രദേശങ്ങളിലെ വീടുകളുടെ പരിസരത്തേക്ക് വരെ എത്തുന്നത് ഇപ്പോൾ പതിവാണെന്ന് നാട്ടുകാർ വ്യക്തമാക്കുന്നു. കഴിഞ്ഞ ദിവസങ്ങളിലും ഇന്നലെയും ഇവിടെ തീപിടുത്തം ഉണ്ടായി.
ഇവിടെ എത്തുന്ന സഞ്ചാരികൾ തീയിടുന്നതായാണ് പരിസരവാസികൾ നടത്തിയ പരിശോധനയിൽ വ്യക്തമായത്. അതിനാൽ തന്നെ അപകടം ഒഴിവാക്കുന്നതിനായി കശ്മീർകുന്നിലേക്ക് വരുന്ന സഞ്ചാരികളെ തടയാനാണ് പ്രദേശവാസികൾ നിലവിൽ തീരുമാനിച്ചിരിക്കുന്നത്. കൂടാതെ നേരത്തെ ഇവിടങ്ങളിൽ സാമൂഹിക വിരുദ്ധരുടെ ശല്യവും പതിവായിരുന്നെന്ന് നാട്ടുകാർ വ്യക്തമാക്കുന്നുണ്ട്.
Read also : തൃണമൂൽ എംപി മഹുവ മൊയ്ത്രക്കെതിരെ അവകാശ ലംഘന നോട്ടീസ്