ന്യൂഡെൽഹി: തൃണമൂൽ കോൺഗ്രസ് എംപി മഹുവ മൊയ്ത്രക്കെതിരെ അവകാശ ലംഘനത്തിന് നോട്ടീസയച്ച് ബിജെപി എംപി. നിഷികാന്ത് ദുബെ ആണ് മഹുവക്കെതിരെ നോട്ടീസ് അയച്ചിരിക്കുന്നത്. വിവാദ പരാമർശങ്ങൾ ലോക്സഭാ രേഖകളിൽ നിന്ന് മാറ്റിയിട്ടും സമൂഹ മാദ്ധ്യമങ്ങളിൽ പ്രചരിക്കുകയും പത്രങ്ങളിൽ പ്രസിദ്ധീകരിക്കുകയും ചെയ്തു. അതിനാൽ, അംഗത്തിനെതിരെ നടപടിയെടുക്കണം എന്നാണ് ദുബെ നോട്ടീസിൽ ആവശ്യപ്പെടുന്നത്. മാർച്ച് 25നുള്ളിൽ മഹുവ നോട്ടീസിന് മറുപടി നൽകണം.
കേന്ദ്ര സർക്കാരിന്റെ ജനദ്രോഹ നയങ്ങൾക്കെതിരെ നിരന്തരം ശബ്ദമുയർത്തുന്ന എംപിയാണ് മഹുവ മൊയ്ത്ര. രാഷ്ട്രപതിയുടെ പ്രസംഗത്തിനുള്ള നന്ദി പ്രമേയ ചർച്ചയിൽ മഹുവ കേന്ദ്ര സർക്കാരിനും ജുഡീഷ്യറിക്കും മാദ്ധ്യമങ്ങൾക്കും എതിരെ ആഞ്ഞടിച്ചിരുന്നു. ഇതിനുമുൻപും മഹുവക്കെതിരെ അച്ചടക്ക നടപടിക്ക് ശുപാർശ വന്നിരുന്നു. സത്യം പറഞ്ഞതിനാണ് തനിക്കെതിരെ നടപടിയെങ്കിൽ അംഗീകാരമായി കരുതും എന്നായിരുന്നു മഹുവയുടെ പ്രതികരണം.
Read also: മക്കൾ നീതി മയ്യം 154 സീറ്റുകളിൽ മൽസരിക്കും; കമൽഹാസൻ