സൂര്യയെ നായകനാക്കി പാണ്ഡിരാജ് സംവിധാനം ചെയ്യുന്ന ചിത്രത്തിന്റെ ഫസ്റ്റ് ലുക്ക് റിലീസ് പ്രഖ്യാപിച്ചു. ജൂലൈ 22ന് വൈകുന്നേരം 6 മണിക്കാണ് ഫസ്റ്റ് ലുക്ക് പുറത്തുവിടുക. ചിത്രം നിർമിക്കുന്ന സണ് പിക്ചേഴ്സാണ് ഇക്കാര്യം അറിയിച്ചത്. സണ് പിക്ചേഴ്സ് പുറത്തുവിട്ട ഫസ്റ്റ് ലുക്ക് അനൗണ്സ്മെന്റ് വീഡിയോ ട്വിറ്ററില് ഇതിനകം ട്രെന്റിങ്ങായി കഴിഞ്ഞു.
സൂര്യയുടെ 40ആതാമത്തെ ചിത്രമാണ് ‘സൂര്യ40‘ എന്നറിയപ്പെടുന്ന ഈ ചിത്രം. അതേസമയം സിനിമയുടെ ഷൂട്ടിങ് ചെന്നൈയിൽ ഉടൻ ആരംഭിക്കുമെന്നാണ് റിപ്പോര്ട്ടുകള്. കാരൈകുടിയില് വെച്ച് ചിത്രീകരണം പുനരാരംഭിക്കാൻ ആയിരുന്നു നേരത്തെ അണിയറ പ്രവര്ത്തകര് തീരുമാനിച്ചത്.
#Suriya40FirstLook on July 22 @ 6 PM!#Suriya40 #Suriya40FLon22nd@Suriya_offl @pandiraj_dir @immancomposer @RathnaveluDop @priyankaamohan pic.twitter.com/ZzMNetQf8y
— Sun Pictures (@sunpictures) July 19, 2021
പ്രിയങ്ക മോഹന്, സത്യരാജ്, സരണ്യ പൊന്നവണ്ണന്, സൂരി, ഇലവരസു എന്നിവരാണ് ‘സൂര്യ 40‘യില് മറ്റ് പ്രധാന കഥാപാത്രങ്ങളായി എത്തുന്നത്.
അതേസമയം നെറ്റ്ഫ്ളിക്സ് ആന്തോളജിയായ ‘നവരസ’യാണ് റിലീസ് ചെയ്യാനിരിക്കുന്ന സൂര്യയുടെ പുതിയ ചിത്രം. ‘നവരസ’യിലെ ‘ഗിറ്റാര് കമ്പി മേലേ നിന്ട്ര്’ എന്ന ഗൗതം മേനോന് ചിത്രത്തിലാണ് സൂര്യ കേന്ദ്ര കഥാപാത്രമാകുന്നത്. ചിത്രത്തില് പ്രയാഗ മാര്ട്ടിനാണ് നായിക.
Read Also: ഗിന്നസ് റെക്കോർഡ് സ്വന്തമാക്കി ‘സ്വർണം വിതറിയ ഫ്രഞ്ച് ഫ്രൈസ്’