തിരുവനന്തപുരം: ഭക്ഷ്യകിറ്റ് വിതരണവും സ്പെഷ്യൽ അരിവിതരണവും നാളെ മുതൽ ആരംഭിക്കും. ഇതു സംബന്ധിച്ച് ഭക്ഷ്യവകുപ്പ് നിർദേശം നൽകി. രാവിലെ മുതൽ കിറ്റ് വിതരണം തുടങ്ങും. വൈകുന്നേരത്തോടെ സ്പെഷ്യൽ അരിയും നൽകി തുടങ്ങും. വിതരണത്തിനുള്ള കിറ്റുകൾ റേഷൻ കടകളിൽ എത്തിച്ചിട്ടുണ്ട്.
സ്പെഷ്യൽ അരിവിതരണം തടഞ്ഞ തിരഞ്ഞെടുപ്പ് കമ്മീഷൻ നടപടി ഹൈക്കോടതി സ്റ്റേ ചെയ്തിരുന്നു. മുൻഗണനേതര വിഭാഗത്തിലുള്ള സ്പെഷ്യൽ അരിവിതരണം തടഞ്ഞ തിരഞ്ഞെടുപ്പ് കമ്മീഷന്റെ നടപടിക്ക് എതിരായ സർക്കാരിന്റെ അപ്പീലിലാണ് ഹൈക്കോടതിയുടെ ഇടക്കാല ഉത്തരവ്. അരിവിതരണവുമായി സംസ്ഥാന സർക്കാരിന് മുന്നോട്ട് പോകാമെന്നും കോടതി വ്യക്തമാക്കി. എന്നാൽ വോട്ടർമാരെ സ്വാധീനിക്കാൻ അരിവിതരണം ഉപയോഗിക്കരുതെന്നും ഉത്തരവിൽ പറയുന്നു. ജസ്റ്റിസ് പിവി ആഷയുടെ ബെഞ്ചാണ് ഹരജി കേട്ടത്.
Read also: യഥാർഥ പ്രശ്നം തിരിച്ചറിയാൻ പ്രതിപക്ഷം ശ്രമിക്കണം; ആനന്ദ്