ബത്തേരി: വയനാട്ടിൽ ഭക്ഷ്യവിഷബാധയെ തുടർന്ന് 11 വിദ്യാർഥികൾ ചികിൽസയിൽ. കേന്ദ്ര സർക്കാരിന്റെ ഡിഡിയുജികെവൈ പ്രോജക്‌ടിൽ ഉൾപ്പെട്ട നഴ്‌സിംഗ് അസിസ്‌റ്റന്റ് വിദ്യാർഥികൾക്കാണ് ഭക്ഷ്യവിഷബാധയേറ്റത്. ബത്തേരി കൈപ്പഞ്ചേരിയിലെ പരിശീലന കേന്ദ്രത്തിൽ നിന്നും ഇന്ന് രാവിലത്തെ ഭക്ഷണം കഴിച്ച വിദ്യാർഥികൾക്കാണ് വിഷബാധയേറ്റത്. തലകറക്കം, ഛർദ്ദി, വയറിളക്കം മുതലായ ലക്ഷണങ്ങളോടെയാണ് കുട്ടികൾ ചികിൽസ തേടിയത്.
കുടുംബശ്രീ പ്രവർത്തകരാണ് പരിശീലന കേന്ദ്രത്തിലേക്കുള്ള ഭക്ഷണം തയാറാക്കിയത്. ജില്ലയിലെ വിവിധ ഇടങ്ങളിൽ നിന്നുള്ള 30 വിദ്യാർഥികളാണ് ഇവിടെ 3 മാസത്തെ തൊഴിൽ പരിശീലനത്തിൽ പങ്കെടുക്കുന്നത്. അതേസമയം, കുട്ടികളുടെ ആരുടേയും നില ഗുരുതരമല്ലെന്ന് അധികൃതർ അറിയിച്ചു.
Read also: ധർമജൻ വേണ്ടെന്ന് ബാലുശ്ശേരി മണ്ഡലം കമ്മിറ്റി; കെപിസിസിക്ക് പരാതി നൽകി
