കോഴിക്കോട്: ജില്ലയിലെ തിരുവണ്ണൂരിൽ ഭക്ഷ്യവിഷബാധ സ്‌ഥിരീകരിച്ചു. തിരുവണ്ണൂരിലെ മലബാർ സ്‌പിന്നിംഗ് മില്ലിലെ ജീവനക്കാർക്കാണ് ഭക്ഷ്യവിഷബാധ സ്‌ഥിരീകരിച്ചത്. രാവിലെ മില്ലിലെ ക്യാന്റീനിൽ നിന്നും ഭക്ഷണം കഴിച്ച ഇരുപതോളം ജീവനക്കാർക്കാണ് ദേഹാസ്വസ്‌ഥ്യം അനുഭവപ്പെട്ടത്.
ഭക്ഷ്യവിഷബാധ സ്‌ഥിരീകരിച്ച സാഹചര്യത്തിൽ മലബാർ സ്‌പിന്നിംഗ് മില്ലിലെ ക്യാന്റീൻ ആരോഗ്യവകുപ്പ് പൂട്ടിച്ചു. രാവിലെ ക്യാന്റീനിൽ നിന്നും ദോശയും ചമ്മന്തിയും കഴിച്ചവർക്കാണ് ശാരീരിക അസ്വസ്‌ഥതകൾ അനുഭവപ്പെട്ടത്. ഇരുപതോളം തൊഴിലാളികളാണ് ദേഹാസ്വാസ്‌ഥ്യത്തെ തുടർന്ന് ഫാറൂഖ് എഎസ്ഐ ആശുപത്രിയിൽ ചികിൽസ തേടിയത്. ഇവരിൽ ആരുടേയും നില ഗുരുതരമല്ല.
സംഭവത്തിന് പിന്നാലെ ഭക്ഷ്യസുരക്ഷാ വിഭാഗത്തിലെ ഉദ്യോഗസ്‌ഥരെത്തി പരിശോധന നടത്തി സാമ്പിളുകൾ ശേഖരിച്ചു. ഭക്ഷ്യസുരക്ഷാ വിഭാഗത്തിന്റെ ക്ളിയറൻസ് ലഭിച്ച ശേഷം മാത്രമേ ഇനി മലബാർ സ്‌പിന്നിംഗ് മില്ലിലെ ക്യാന്റീൻ പ്രവർത്തിപ്പിക്കാൻ പാടുള്ളൂവെന്നാണ് നിർദ്ദേശം.
Most Read: ആരോഗ്യ -സുരക്ഷാ പ്രശ്‌നങ്ങൾ; പിസി ജോർജിനെ പൂജപ്പുര സെൻട്രൽ ജയിലിലേക്ക് മാറ്റി
