തിരുവനന്തപുരം: ജില്ലയിലെ കല്ലറയിൽ ഒരു കുടുംബത്തിലെ മൂന്ന് പേർ മീൻ കഴിച്ചതിനെ തുടർന്ന് ആശുപത്രിയിലായി. മീൻ കഴിച്ചതിന് പിന്നാലെ ദേഹാസ്വാസ്‌ഥ്യം ഉണ്ടായതോടെയാണ് ആശുപത്രിയിൽ പ്രവേശിപ്പിച്ചത്. പഴയചന്തയിൽ നിന്നും വാങ്ങിയ മൽസ്യം കഴിച്ചവർക്കാണ് ദേഹാസ്വാസ്‌ഥ്യം ഉണ്ടായിരിക്കുന്നത്.
ആരോഗ്യവിഭാഗത്തെ വിവരം അറിയിച്ചിട്ടും അവർ സ്‌ഥലത്തെത്തിയില്ലെന്ന പരാതിയും നിലവിൽ ഉയരുന്നുണ്ട്. കൂടാതെ മീൻ കഴിച്ചതിനെ തുടർന്ന് ഭക്ഷ്യവിഷബാധയേറ്റ മറ്റൊരാളെയും നിലവിൽ ആശുപത്രിയിൽ പ്രവേശിപ്പിച്ചിട്ടുണ്ട്.
കൂടാതെ സംഭവത്തിന് പിന്നാലെ പോലീസ് പഴയചന്തയിൽ എത്തി പരിശോധന നടത്തുകയും ചെയ്‌തു. ആരോഗ്യവിഭാഗത്തെ വിവരം അറിയിച്ചിട്ടും പ്രതികരണം ലഭിക്കാഞ്ഞതോടെ നാട്ടുകാർ കളക്‌ടറേയും വിവരം അറിയിച്ചിട്ടുണ്ട്.
Read also: അതിർത്തി കടന്ന് ഡ്രോൺ; വെടിയുതിർത്ത് സൈന്യം
