കൊച്ചി: വിദേശ കറന്സി കടത്തിയ കേസില് സ്വപ്ന സുരേഷിനെയും സരിത്തിനെയും അറസ്റ്റ് ചെയ്യാന് അനുമതി നല്കി. സാമ്പത്തിക കുറ്റകൃത്യങ്ങള് പരിഗണിക്കുന്ന കൊച്ചിയിലെ പ്രത്യേക കോടതിയാണ് അനുമതി നല്കിയത്. ജയിലില് എത്തിയാവും കസ്റ്റംസ് ഇവരുടെ അറസ്റ്റ് രേഖപ്പെടുത്തുക.
യുഎഇ കോണ്സുലേറ്റിലെ മുന് ചീഫ് അക്കൗണ്ടന്റ് ഓഫീസര് ഖാലിദിനൊപ്പം ചേര്ന്ന് 1.90 ലക്ഷം അമേരിക്കന് ഡോളര് കടത്തിയെന്നാണ് ഇവര്ക്കെതിരെയുള്ള കേസ്. ഇരുവരേയും കസ്റ്റഡിയിലെടുത്ത് ചോദ്യം ചെയ്താല് മാത്രമേ അന്വേഷണം മുന്നോട്ടു കൊണ്ടുപോകുവാന് കഴിയുകയുള്ളുവെന്ന് കസ്റ്റംസ് കോടതിയെ അറിയിച്ചു. ഇക്കാര്യം ചൂണ്ടിക്കാണിച്ച് കസ്റ്റംസ് കോടതിയില് അപേക്ഷ നല്കും.
Read also: ആമസോണിനെ വെല്ലുവിളിച്ചു; തമിഴ് റോക്കേഴ്സിന് വിലക്ക്