ന്യൂ ഡെല്ഹി: ബിഹാര് മുന് ഡിജിപി ഗുപ്തേശ്വര് പാണ്ഡേ ജെഡിയുവിലേക്ക്. ഇന്ന് പാര്ട്ടിയില് ഔദ്യോഗികമായി അംഗത്വം സ്വീകരിക്കും. സുശാന്ത് സിംഗ് രജ്പുതിന്റെ കേസില് വിവാദ പ്രസ്താവനകൾ നടത്തിയ ഇദ്ദേഹം നേരത്തെ വാര്ത്തകളില് ഇടം നേടിയിരുന്നു.
സുശാന്ത് സിംഗ് രജ്പുത് ആത്മഹത്യാ കേസില് റിയ ചക്രബര്ത്തിക്കെതിരെ നടത്തിയ പ്രസ്താവനകൾ സമീപകാലത്ത് ഗുപ്തേശ്വര് പാണ്ഡേക്കെതിരെ വിമര്ശങ്ങള് ഉയര്ത്തിയിരുന്നു. റിയ ചക്രബര്ത്തിക്ക് മുഖ്യമന്ത്രി നിതീഷ് കുമാറിനെ വിമര്ശിക്കാനുള്ള യോഗ്യതയില്ലെന്നായിരുന്നു ഗുപ്തേശ്വര് പാണ്ഡേ പറഞ്ഞത്. പരാമര്ശത്തിനെതിരെ വലിയ വിമര്ശനമുയര്ന്നെങ്കിലും അദ്ദേഹം തന്റെ വാദം ആവര്ത്തിക്കുകയായിരുന്നു.
ബിഹാര് തെരഞ്ഞെടുപ്പില് മത്സരിക്കുന്നതിന് വേണ്ടിയാണ് ഗുപ്തേശ്വര് രാജിവെച്ചതെന്നും എന്ഡിഎ സ്ഥാനാര്ത്ഥിയായി ആയിരിക്കും ഇദ്ദേഹം മത്സരിക്കുകയെന്നും ദേശീയ മാദ്ധ്യമങ്ങള് റിപ്പോര്ട്ട് ചെയ്തിരുന്നു.
Read also: പ്രതിപക്ഷം ഒറ്റക്കെട്ടായി ജനവിരുദ്ധ സര്ക്കാരിനെ ചെറുക്കണം; പ്രശാന്ത് ഭൂഷണ്