പാരിസ്: മുൻ ഫ്രഞ്ച് ഓപ്പൺ ടെന്നീസ് ചാമ്പ്യനായ സിമോണ ഹാലെപ് ഈ വർഷത്തെ ടൂർണമെന്റിൽ നിന്ന് പിൻമാറി. ഇടത് തുടക്കേറ്റ പരിക്ക് മൂലമാണ് താരം ടൂർണമെന്റിൽ നിന്ന് പിൻമാറിയത്. വെള്ളിയാഴ്ചയാണ് ഹാലെപ് ഇക്കാര്യം അറിയിച്ചത്.
മെയ് 12ന് റോം ഓപ്പണിൽ ആംഗലിക് കെർബറുമായുള്ള മൽസരത്തിനിടെയാണ് 29കാരിയായ ഹാലെപ്പിന് പരിക്കേൽക്കുന്നത്. മേയ് 30നാണ് ഫ്രഞ്ച് ഓപ്പൺ ആരംഭിക്കുന്നത്. പരിക്ക് ഭേദമാകാൻ കൂടുതൽ സമയമെടുക്കും എന്നതിനാലാണ് ടൂർണമെന്റിൽ നിന്നും പിൻമാറിയതെന്ന് താരം വ്യക്തമാക്കി.
2018ലായിരുന്നു ഈ റൊമാനിയൻ താരം ഫ്രഞ്ച് ഓപ്പൺ കിരീടത്തിൽ മുത്തമിട്ടത്. എന്നാൽ ഇക്കുറി കിരീട നേട്ടമെന്ന സ്വപ്നത്തിന് പരിക്ക് വില്ലൻ ആവുകയായിരുന്നു.
Read Also: ഇത് മുതലകണ്ണീർ; മോദിയുടെ കരച്ചിലിനെ പരിഹസിച്ച് പ്രശാന്ത് ഭൂഷൺ