ന്യൂഡെൽഹി : മുൻ പ്രധാനമന്ത്രി എച്ച്ഡി ദേവഗൗഡക്കും, ഭാര്യ ചെന്നമ്മക്കും കോവിഡ് സ്ഥിരീകരിച്ചു. അദ്ദേഹം തന്നെയാണ് ഇക്കാര്യം ട്വിറ്ററിലൂടെ പങ്കുവച്ചത്. നിലവിൽ ആരോഗ്യനില തൃപ്തികരമാണെന്നും, നിരീക്ഷണത്തിൽ കഴിയുകയാണെന്നും അദ്ദേഹം വ്യക്തമാക്കി.
രോഗ ലക്ഷണങ്ങളെ തുടർന്നാണ് ദേവഗൗഡയും, ഭാര്യയും കോവിഡ് പരിശോധനക്ക് വിധേയരായത്. തുടർന്ന് ഇന്ന് പരിശോധന ഫലം പുറത്തു വന്നതോടെയാണ് രോഗം സ്ഥിരീകരിച്ച വിവരം അദ്ദേഹം അറിയിച്ചത്. നിലവിൽ അദ്ദേഹവും, ഭാര്യയും മറ്റ് കുടുംബാംഗങ്ങളും വീട്ടിൽ നിരീക്ഷണത്തിൽ കഴിയുകയാണ്. ഒപ്പം തന്നെ താനുമായും കുടുംബവുമായും കഴിഞ്ഞ ദിവസങ്ങളിൽ സമ്പർക്കത്തിൽ ഉണ്ടായിരുന്ന ആളുകൾ നിരീക്ഷണത്തിൽ കഴിയണമെന്നും കോവിഡ് പരിശോധനക്ക് വിധേയരാകണമെന്നും അദ്ദേഹം അറിയിച്ചു.
Read also : ഡ്രൈവറുടെ ആത്മഹത്യ; ബെംഗളൂരുവിൽ മിന്നൽ പണിമുടക്ക്; ടാക്സി സർവീസുകൾ നിലച്ചു