ജയ്പൂർ: രാജ്യത്തെ എല്ലാ പൗരന്മാര്ക്കും സൗജന്യ വാക്സിൻ ലഭ്യമാക്കണം എന്ന് കേന്ദ്രത്തോട് ആവശ്യപ്പെട്ട് രാജസ്ഥാന് മുഖ്യമന്ത്രി അശോക് ഗെഹ്ലോട്ട്. ബിഹാര് തിരഞ്ഞെടുപ്പ് വേളയില് സംസ്ഥാനത്തില് സൗജന്യ വാക്സിൻ ലഭ്യമാക്കുമെന്ന ബിജെപി പ്രകടന പത്രിക ചൂണ്ടിക്കാട്ടിയാണ് ഗെഹ്ലോട്ടിന്റെ പ്രതികരണം. ബിജെപി ജനങ്ങളെ തെറ്റിദ്ധരിപ്പിക്കുക ആണെന്നും ഗെഹ്ലോട്ട് പറഞ്ഞു.
ട്വിറ്ററിലൂടെ ആയിരുന്നു ഗെഹ്ലോട്ടിന്റെ പ്രതികരണം. ‘ രാജ്യത്തെ എല്ലാ പൗരന്മാര്ക്കും സൗജന്യ വാക്സിൻ യാതൊരു തടസവുമില്ലാതെ നല്കണമെന്ന് കേന്ദ്ര സര്ക്കാരിനോട് ആവശ്യപ്പെടുകയാണ്, ധനകാര്യ മന്ത്രി നിര്മ്മലാ സീതാരാമന് ബിഹാറില് നടത്തിയ പ്രഖ്യാപനം പൊതുജനങ്ങള്ക്ക് ഇടയില് ആശയക്കുഴപ്പം സൃഷ്ടിച്ചു കഴിഞ്ഞു’ അദ്ദേഹം ട്വീറ്റ് ചെയ്തു.
I request government of India to announce free vaccination for all the citizens of India without any delay because with FM @nsitharaman making poll promise of free vaccination for Bihar, naturally it has created a confusion in the public mind Pan India.
— Ashok Gehlot (@ashokgehlot51) October 26, 2020
ബിഹാര് തിരഞ്ഞെടുപ്പിലെ ആദ്യഘട്ടത്തിന്റെ പ്രചാരണ വേളയില് ബിജെപി പുറത്തുവിട്ട പ്രകടന പത്രികയിലാണ് വിവാദത്തിന് ആധാരമായ പ്രഖ്യാപനങ്ങള് അടങ്ങിയിരുന്നത്. കേന്ദ്ര ധനമന്ത്രി നിര്മ്മലാ സീതാരാമന് നേരിട്ട് സൗജന്യ വാക്സിൻ എന്ന വാഗ്ദാനം ജനങ്ങള്ക്ക് നല്കുകയും ചെയ്തിരുന്നു.
Read Also: പ്രത്യേക സുഹൃത്ത്; നിതീഷിന്റെ എതിരാളി ചിരാഗ് പാസ്വാനെ പ്രശംസിച്ച് ബിജെപി എംപി