തിരുവനന്തപുരം: രാജ്യത്ത് ഇന്ധനവില വീണ്ടും വർധിച്ചു. പെട്രോളിന് 35 പൈസയും ഡീസലിന് 37 പൈസയുമാണ് വർധിച്ചത്. ഈ മാസത്തിൽ, 26 ദിവസത്തിനിടെ 14 തവണയാണ് രാജ്യത്ത് ഇന്ധന വില വർധിച്ചത്.
കൊച്ചിയിലെ ഇന്നത്തെ പെട്രോൾ വില 98 രൂപ 21 പൈസയാണ്. 94 രൂപ 42 പൈസയാണ് ഒരു ലിറ്റർ ഡീസലിന്റെ ഇന്നത്തെ വില. അതേസമയം തിരുവനന്തപുരത്ത് പെട്രോൾ വില 100 കടന്നു. സാധാരണ പെട്രോളിന് 100 രൂപ 09 പൈസയായി. ഇന്ത്യൻ ഓയിൽ പ്രീമിയം പെട്രോളിന്
104 രൂപ 22 പൈസയായി.
കഴിഞ്ഞ ദിവസം തന്നെ സംസ്ഥാനത്തെ വിവിധയിടങ്ങളിൽ ഇന്ധനവില നൂറ് രൂപ കടന്നിരുന്നു. ഇടുക്കിയിലെ പൂപ്പാറ, രാജാകുമാരി, തടിയമ്പാട്, ആനച്ചാൽ എന്നിവടങ്ങളിലാണ് പെട്രോൾ വില നൂറ് കടന്നത്.
Most Read: കർഷക സമരം ഏഴാം മാസത്തിലേക്ക്; ഗവര്ണറുടെ വസതിയിലേക്ക് ഇന്ന് മാര്ച്ച്