ചെന്നൈ: തമിഴ്നാട്ടിലെ ഈറോഡ് ജില്ലയിലുണ്ടായ ദ്രവ ക്ളോറിന് വാതകചോര്ച്ചയിൽ ഒരു മരണം. ശ്രീധര് കെമിക്കല് ഫാക്ടറി ഉടമ നടുപാളയം ദാമോദരനാണ്(47) മരണപെട്ടത്. അബോധാവസ്ഥയിലായ 13 പേരെ ഈറോഡ് ഗവ. ആശുപത്രിയില് പ്രവേശിപ്പിച്ചു.
സിത്തോടിന് സമീപം ബ്ളീച്ചിങ് പൗഡര് നിര്മാണ യൂണിറ്റിലെ ക്ളോറിന് വാതക പൈപ്പില് നിന്നാണ് ചോര്ച്ച ഉണ്ടായത്. അഗ്നി ശമന വിഭാഗവും പോലീസുമെത്തിയാണ് ചോര്ച്ച തടഞ്ഞത്.
അപകടത്തിൽ പരിക്കേറ്റ് ആശുപത്രിയില് ചികിൽസയില് കഴിയുന്നവരുടെ നില ഗുരുതരമല്ല. ഈറോഡ് കലക്ടര് എച്ച് കൃഷ്ണനുണ്ണി, എസ്പി ശശി മോഹന് തുടങ്ങിയവര് സംഭവസ്ഥലം സന്ദര്ശിച്ചു. സിത്തോട് പോലീസ് കേസെടുത്തു.
Read also: ബിഎസ്എഫിന്റെ അധികാര പരിധി; സുപ്രീം കോടതിയെ സമീപിച്ച് പഞ്ചാബ്