തിരൂരങ്ങാടി: ആളില്ലാത്ത വീട്ടിൽ നിന്ന് രാത്രി സ്വർണാഭരണവും പണവും കവർന്നു. എആർ നഗർ കുന്നുംപുറത്തെ കുന്നത്ത് തടത്തിൽ അബ്‌ദുൽ ഖാദറിന്റെ വീട്ടിലാണ് സംഭവം. കോഴിക്കോട് ആശുപത്രിയിൽ ചികിൽസയിൽ കഴിയുന്നതിനാൽ അബ്‌ദുൽ ഖാദറിന്റെ വീട് അടച്ചിട്ടിരിക്കുകയായിരുന്നു.
കഴിഞ്ഞ ദിവസം രാത്രിയാണ് സംഭവം നടന്നത്. അലമാരയിൽ സൂക്ഷിച്ചിരുന്ന 10 പവൻ സ്വർണാഭരണങ്ങളും 80,000 രൂപയും മോഷണം പോയി. രാവിലെ വീടിന് പുറത്തെ ലൈറ്റ് ഓഫ് ചെയ്യാനെത്തിയ അയൽവാസിയുടെ കുട്ടിയാണ് മോഷണം നടന്ന വിവരം അറിയുന്നത്. വാതിൽ കുത്തിത്തുറന്നാണ് മോഷ്‌ടാവ്‌ അകത്ത് കടന്നതെന്നാണ് വിവരം.
വീടിനുള്ളിൽ മുളക് പൊടിയും വിതറിയിരുന്നു. തിരൂരങ്ങാടി പോലീസ് കേസെടുത്ത് അന്വേഷണം ആരംഭിച്ചു.
Also Read: സ്വർണ്ണക്കടത്ത്; അഞ്ച് പ്രതികൾക്ക് മാപ്പ് നൽകണമെന്ന് എന്‍ഐഎ
