കോഴിക്കോട്: കരിപ്പൂർ വിമാനത്താവളത്തിൽ ഒന്നര കോടി രൂപയുടെ വൻ സ്വർണവേട്ട. ദുബായിൽ നിന്നെത്തിയ രണ്ടു വ്യക്തികളിൽ നിന്നായാണ് ഒന്നര കോടി രൂപ വില വരുന്ന രണ്ടര കിലോ സ്വർണം കസ്റ്റംസ് പ്രിവന്റീവ് വിഭാഗം പിടികൂടിയത്.
മലപ്പുറം സ്വദേശി കരീം, തലശേരി സ്വദേശി ഷാജഹാൻ എന്നിവരാണ് പിടിയിലായത്. കരീമിൽ നിന്നും മിക്സിയിൽ ഒളിപ്പിച്ച നിലയിൽ 1.51 കിലോ സ്വർണവും ഷാജഹാനിൽ നിന്ന് 992 ഗ്രാം സ്വർണവും ആണ് കണ്ടെടുത്തത്.
കഴിഞ്ഞ മാസം 30നും കരിപ്പൂർ വിമാനത്താവളത്തിൽ നിന്നും സ്വർണം പിടികൂടിയിരുന്നു. മലപ്പുറം വണ്ടൂർ സ്വദേശി മുസാഫിർ അഹ്മദിൽ നിന്നാണ് ഒന്നര കിലോയിലധികം സ്വർണം പിടികൂടിയത്. 93 ലക്ഷം രൂപ വിലമതിക്കുന്ന സ്വർണം ഇസ്തിരിപ്പെട്ടിക്കുള്ളിൽ വച്ചാണ് ഇയാൾ കടത്താൻ ശ്രമിച്ചത്.
Most Read: ഡെല്ഹിയില് 45 തോക്കുകളുമായി ദമ്പതികള് പിടിയില്