കൊച്ചി: സംസ്‌ഥാനത്ത്‌ സ്വർണവിലയിൽ ഇടിവ് തുടരുന്നു. തിങ്കളാഴ്‌ച പവന് 320 രൂപ കുറഞ്ഞ് 36,720 രൂപയായി. ഗ്രാമിന് 40 രൂപ കുറഞ്ഞ് 4,590 രൂപയുമായി. രണ്ടുദിവസത്തിനിടെ 1,280 രൂപയാണ് പവന് കുറഞ്ഞത്.
രാജ്യാന്തര വിപണിയിലും സ്വർണവിലയിലെ ഇടിവ് തുടരുകയാണ്. സ്‌പോട്ട് ഗോൾഡ് വില ഔൺസിന് 1,836.30 ഡോളർ നിലവാരത്തിലാണ്. വെള്ളിയാഴ്‌ചയിലെ വിലയിൽ നിന്നും 3.4 ശതമാനമാണ് ഇടിവുണ്ടായത്. ഡോളർ കരുത്താർജ്‌ജിച്ചതും യുഎസ് ബോണ്ടുകളിലെ ആദായം വർധിച്ചതും ഓഹരിവിപണിയിലെ കുതിപ്പുമെല്ലാം സ്വർണവിലയെ ബാധിച്ചു.
കമ്മോഡിറ്റി വിപണിയായ എംസിഎക്‌സിൽ ഗോൾഡ് ഫ്യൂച്ചേഴ്‌സ് വില 10 ഗ്രാമിന് 48,760 രൂപയായി. രണ്ടുദിവസം കൊണ്ട് 2,350 രൂപയാണ് കുറഞ്ഞത്.
Read also: ഒമാന്‍; രണ്ട് തൊഴില്‍ മേഖലയില്‍ കൂടി സ്വദേശിവല്‍ക്കരണം
