കൊച്ചി: സംസ്‌ഥാനത്ത്‌ സ്വർണവില വീണ്ടും കൂടി. ഒറ്റയടിക്ക് 600 രൂപയാണ് ഇന്ന് വർധിച്ചത്. ഇതോടെ പവന് 36,720 രൂപയായി. ഗ്രാമിന് 75 രൂപ കൂടി 4,590 രൂപയുമായി. 36,120 രൂപയായിരുന്നു ബുധനാഴ്‌ച ഒരു പവൻ സ്വർണത്തിന് വില. ഡോളർ തളർച്ച നേരിട്ടതോടെ രാജ്യാന്തര വിപണിയിൽ സ്‌പോട് സ്വർണ വില ഔൺസിന് 1,830 ഡോളർ നിലവാരത്തിലെത്തി. കമ്മോഡിറ്റി വിപണിയായ എംസിഎക്‌സിൽ പത്ത് ഗ്രാം 24 കാരറ്റ് സ്വർണത്തിന് 49,172 രൂപ നിലവാരത്തിലേക്ക് ഉയർന്നു.
കോവിഡിനെതിരായ വാക്‌സിൻ വികസിപ്പിക്കുന്നതിലെ പുരോഗതിയെ തുടർന്ന് കഴിഞ്ഞ ആഴ്‌ചയിൽ സ്വർണവിലയിൽ കനത്ത ഇടിവ് നേരിട്ടിരുന്നു. ഡോളറിന്റെ തളർച്ചയാണ് ഇപ്പോൾ സ്വർണ വില വർധിക്കാൻ കാരണമായത്.
Read also: ഇന്ത്യയിലാദ്യമായി ബിജെപിയുടെ ‘വ്യാജസൃഷ്‌ടിയെ’ പൊളിച്ചടുക്കി ട്വിറ്റർ
