കോഴിക്കോട്: കരിപ്പൂർ വിമാനത്താവളത്തിൽ ലക്ഷങ്ങൾ വിലമതിക്കുന്ന സ്വർണം പിടികൂടി. വിമാനത്താവളം വഴി അനധികൃതമായി കടത്താൻ ശ്രമിച്ച 2669 ഗ്രാം സ്വർണമാണ് എയർ കസ്റ്റംസ് ഇന്റലിജൻസ് വിഭാഗം പിടികൂടിയത്. ഫ്ളൈ ദുബായ് വിമാനത്തിൽ ദുബായിൽ നിന്നെത്തിയ കാസർഗോഡ് സ്വദേശി അനിൽ കുഡ്ലു, എയർ അറേബ്യയിൽ ഷാർജയിൽ നിന്നെത്തിയ ആലപ്പുഴ ചേർത്തല സ്വദേശി ജോൺസൻ വർഗീസ് എന്നിവരാണ് സ്വർണം ഒളിപ്പിച്ച് കടത്താൻ ശ്രമിച്ചത്.
ഈ മാസം തന്നെ വിമാനത്താവളത്തിൽ നിന്ന് രണ്ടിലധികം തവണ സ്വർണക്കടത്ത് പിടികൂടിയിരുന്നു. കഴിഞ്ഞയാഴ്ച ലക്ഷക്കണക്കിന് രൂപയുടെ വിദേശകറൻസിയും എയർ കസ്റ്റംസ് ഇന്റലിജൻസ് വിഭാഗം കണ്ടെത്തിയിരുന്നു. ഇതിനെ തുടർന്ന് വിമാനത്താവളത്തിൽ പരിശോധനകൾ കർശനമാക്കി.
Read Also: പുതുമോടിയിൽ കൈരളി, ശ്രീ തിയേറ്ററുകൾ; ഉൽഘാടനം ഇന്ന്