എറണാകുളം : ജില്ലയിലെ നെടുമ്പാശേരി വിമാനത്താവളത്തിൽ വീണ്ടും സ്വർണക്കടത്ത്. ദുബായിൽ നിന്നെത്തിയ മലപ്പുറം സ്വദേശിയായ യാത്രക്കാരന്റെ പക്കൽ നിന്നാണ് സ്വർണം പിടികൂടിയത്. ഏകദേശം 1 കോടി രൂപ വിലവരുന്ന 2 കിലോ സ്വർണമാണ് ഇയാളിൽ നിന്നും അധികൃതർ കണ്ടെത്തിയത്.
കസ്റ്റംസും, ഡിആർഐയും ചേർന്ന് നടത്തിയ പരിശോധനയിലാണ് സ്വർണം കണ്ടെടുത്തത്. ജസീറ എയർവേയ്സിന്റെ ദുബായിൽ നിന്നുള്ള വിമാനത്തിലാണ് സ്വർണം കടത്തിയത്. കുട്ടികൾ കളിക്കുന്ന കാറുകൾ, സ്പീക്കർ എന്നിവക്കുള്ളിൽ പ്ളേറ്റുകളായാണ് സ്വർണം ഒളിപ്പിച്ചിരുന്നത്.
സ്വർണക്കടത്ത് നടക്കുന്നതായി അന്വേഷണ സംഘത്തിന് രഹസ്യ വിവരം ലഭിച്ചിരുന്നു. തുടർന്നാണ് പരിശോധന നടത്തി, പ്രതിയെ പോലീസ് അറസ്റ്റ് ചെയ്തത്.
Read also : കോവിഡ് ചികിൽസ; ആശുപത്രികൾക്ക് മുറിവാടക നിശ്ചയിക്കാനാകില്ല; സർക്കാർ ഉത്തരവ്