മലപ്പുറം: കരിപ്പൂർ അന്താരാഷ്ട്ര വിമാനത്താവളത്തിൽ വീണ്ടും സ്വർണ വേട്ട. വിമാനത്താവളം വഴി അനധികൃതമായി കടത്താൻ ശ്രമിച്ച 36 ലക്ഷം രൂപ വിലമതിക്കുന്ന 866 ഗ്രാം സ്വർണമാണ് പിടികൂടിയത്. സംഭവത്തിൽ ഷാർജയിൽ നിന്നെത്തിയ കണ്ണൂർ സ്വദേശി ഷഹബാസ് എന്നയാൾ പിടിയിലായി. സ്വർണം മിശ്രിത രൂപത്തിലാക്കി ശരീരത്തിന്റെ രഹസ്യഭാഗങ്ങളിൽ ഒളിപ്പിച്ച് കടത്താൻ ശ്രമിക്കവെയാണ് ഇയാൾ പിടിയിലായത്.
കഴിഞ്ഞ ദിവസവും കരിപ്പൂരിൽ സ്വർണം പിടികൂടിയിരുന്നു. എയർ അറേബ്യ വിമാനത്തിൽ ഷാർജയിൽ നിന്നെത്തിയ നൗഷുർ എന്നയാളാണ് 53 ലക്ഷം രൂപ വില വരുന്ന സ്വർണവുമായി കഴിഞ്ഞ ദിവസം പിടിയിലായത്. 1.07 കിലോ സ്വർണമാണ് ഇയാളിൽ നിന്നും അധികൃതർ പിടികൂടിയത്.
Read also: വീണ്ടും കൊള്ളയടി; ഇന്ധനവില സർവകാല റെക്കോർഡിൽ