ന്യൂഡെല്‍ഹി: സ്വന്തം നിലപാടുകളും അഭിപ്രായങ്ങളും പ്രകടിപ്പിക്കാനുള്ള സ്വാതന്ത്യമാണ് ആരോഗ്യപരമായ ജനാധിപത്യത്തിന് ആവശ്യമെന്ന് അറ്റോര്‍ണി ജനറല്‍ കെകെ വേണുഗോപാല്‍. നല്ല ജനാധിപത്യത്തിന് തുറന്ന ചര്‍ച്ചകള്‍ ആവശ്യമാണ്. സമൂഹ മാദ്ധ്യമങ്ങളിലെ ചര്‍ച്ചകളില്‍ വിലക്കേര്‍പ്പെടുത്തേണ്ട അവസരങ്ങള്‍ സുപ്രീം കോടതി പരമാവധി കുറക്കാന്‍ ശ്രമിക്കാറുണ്ടെന്നും അദ്ദേഹം കൂട്ടിച്ചേര്‍ത്തു.
റിപ്പബ്ളിക് ടിവിയുമായി ബന്ധപ്പെട്ട വിവാദങ്ങളില്‍ അനേകം പേര്‍ക്കെതിരെ കോടതിയലക്ഷ്യ ഹരജി പരിഗണിക്കണമെന്ന ആവശ്യം പലരും ഉന്നയിച്ചിരുന്നു. എന്നാല്‍ അവശ്യ ഘട്ടങ്ങളില്‍ മാത്രമേ കോടതിയലക്ഷ്യ ഹരജികള്‍ പരിഗണിക്കൂ എന്ന് വേണുഗോപാല്‍ പറഞ്ഞു. അഭിപ്രായ സ്വാതന്ത്ര്യം വിലക്കുന്ന തരത്തില്‍ കോടതിയലക്ഷ്യ ഹരജികള്‍ പരിഗണിക്കുന്നതിനെ പ്രോല്‍സാഹിപ്പിക്കില്ലെന്നും അദ്ദേഹം കൂട്ടിച്ചേര്‍ത്തു. 2017ല്‍ അറ്റോര്‍ണി ജനറലായി ചാര്‍ജെടുത്ത ഇദ്ദേഹത്തിന്റെ പ്രവര്‍ത്തന കാലാവധി അടുത്ത വര്‍ഷം പകുതിയോടെ അവസാനിക്കും.
Read also: വാക്‌സിനായുള്ള രാജ്യത്തിന്റെ കാത്തിരിപ്പ് നീളില്ല; പ്രധാനമന്ത്രി
