തിരുവനന്തപുരം: സംസ്‌ഥാന സർക്കാരിന്റെ ഈസ്‌റ്റർ-വിഷു കിറ്റ് വിതരണം ഇന്ന് മുതൽ ആരംഭിക്കും. റേഷൻ കടകൾ വഴി ഇന്ന് മുതൽ കിറ്റ് വിതരണം ചെയ്യുമെന്ന് ഭക്ഷ്യ വകുപ്പ് അറിയിച്ചു. മുൻഗണനേതര വിഭാഗങ്ങൾക്കുള്ള സ്‌പെഷൽ അരി വിതരണമടക്കം ഇന്ന് തുടങ്ങുമെന്നാണ് അറിയിപ്പ്.
അരി വിതരണം നിർത്തിവെച്ച തിരഞ്ഞെടുപ്പ് കമ്മീഷൻ നടപടി ഹൈക്കോടതി കഴിഞ്ഞ ദിവസം സ്‌റ്റേ ചെയ്‌തിരുന്നു. മുൻഗണനേതര വിഭാഗക്കാർക്ക് പതിനഞ്ച് രൂപക്ക് 10 കിലോ സ്‌പെഷൽ അരി വിതരണം ചെയ്യുന്നതായിരുന്നു തിരഞ്ഞെടുപ്പ് കമ്മീഷൻ തടഞ്ഞിരുന്നത്. ഇതോടെ സർക്കാർ ഇതിനെതിരെ ഹൈക്കോടതിയെ സമീപിക്കുകയും കോടതി നടപടി സ്‌റ്റേ ചെയ്യുകയും ആയിരുന്നു. തുടർന്നാണ് ഇന്ന് മുതൽ വിതരണം തുടങ്ങാൻ തീരുമാനമായത്.
രാവിലെ മുതൽ കിറ്റ് വിതരണം തുടങ്ങും. വൈകുന്നേരത്തോടെ സ്‌പെഷൽ അരിയും നൽകി തുടങ്ങും. വിതരണത്തിനുള്ള കിറ്റുകൾ റേഷൻ കടകളിൽ എത്തിച്ചിട്ടുണ്ട്.
Read Also: രാജ്യത്തേക്ക് മൂന്ന് റഫാൽ വിമാനങ്ങൾ കൂടി എത്തുന്നു
