ന്യൂഡെൽഹി: ഇന്ത്യയിലേക്ക് മൂന്ന് റഫാൽ വിമാനങ്ങൾ കൂടി എത്തുന്നു. മാർച്ച് 31ന് ഗുജറാത്തിലാണ് വിമാനങ്ങൾ എത്തുക. അവിടെ നിന്ന് അംബാലയിൽ എത്തിച്ച് ഗോൾഡൻ ആരോ സ്‌ക്വാഡ്രോണിന്റെ ഭാഗമാക്കും.
മൂന്ന് വിമാനങ്ങൾ കൂടി എത്തുന്നതോടെ സ്‌ക്വാഡ്രോണിന്റെ ഭാഗമായ റഫാൽ വിമാനങ്ങളുടെ എണ്ണം 14 ആകും. 2020 ജൂലായ് 29നാണ് ആദ്യ ബാച്ച് റഫാൽ വിമാനം ഇന്ത്യയിൽ എത്തിയത്. നാലാം ബാച്ച് റഫാൽ വിമാനങ്ങളാണ് നാളെ രാജ്യത്തെത്തുന്നത്.
ഫ്രാൻസിൽ നിന്നാണ് വിമാനങ്ങൾ ടേക്ക് ഓഫ് ചെയ്യുന്നത്. ഇവക്ക് ആകാശത്തുവച്ച് ഇന്ധനം നിറക്കാനുള്ള സൗകര്യം യുഎഇ ഒരുക്കും. ഏപ്രിൽ പകുതിയോടെ രണ്ടാം റഫാൽ സ്‌ക്വാഡ്രോൺ ബംഗാളിൽ ഒരുങ്ങും.
Read Also: തിരഞ്ഞെടുപ്പ് പ്രചാരണത്തിന് ആവേശം പകരാൻ പ്രിയങ്ക ഇന്ന് കേരളത്തിൽ എത്തും
