തിരുവനന്തപുരം: പാക്കറ്റ് ഉൽപന്നങ്ങൾക്ക് അഞ്ചുശതമാനം ജിഎസ്ടി ഏർപ്പെടുത്തിയതോടെ സപ്ളൈകോ വഴി സബ്സിഡിയോടെ വിൽക്കുന്ന 13 ഉൽപന്നങ്ങൾക്കും വിലകൂടും. സപ്ളൈകോ അവശ്യ വസ്തുക്കൾ കൂടുതലും വിൽക്കുന്നത് അരക്കിലോ ഒരുകിലോ പാക്കറ്റുകളിലാണ്. ധാന്യങ്ങളിൽ മിക്കതും പാക്കറ്റിലാണ്. ഇതോടെ 25 കിലോയിൽ താഴെയുള്ള പാക്കറ്റിന് ബാധകമായ അഞ്ചുശതമാനം ചരക്കു-സേവന നികുതി ഈ ഉൽപന്നങ്ങൾക്ക് ബാധകമാകും.
അരിക്കും പയറിനുമെല്ലാം വർധനവ് ബാധകമാവുമെന്നാണ് അറിയിച്ചിരിക്കുന്നത്. ജിഎസ്ടി ഭാരംകൂടി സർക്കാർ ഏറ്റെടുത്ത് വിൽപ്പന തുടരുന്നത് വൻ സാമ്പത്തിക ബാധ്യതയാണ് വരുത്തുക. വില കൂട്ടാതിരിക്കാനുള്ള ഇടപെടലുകൾക്ക് സർക്കാർ ശ്രമിക്കുന്നുണ്ട്. അതേസമയം, 2016നുശേഷം 13 ഉൽപന്നങ്ങളുടെയും വില കൂട്ടിയിരുന്നില്ല. ഓണം അടുത്തിരിക്കെ ജിഎസ്ടി ഏൽപ്പിക്കുന്ന ഭാരം സാധാരണക്കാർക്ക് വലിയ തിരിച്ചടിയാകും.
Read Also: പൾസർ സുനിക്ക് ജാമ്യമില്ല; തൃശൂരിലെ മാനസികാരോഗ്യ കേന്ദ്രത്തിൽ പ്രവേശിപ്പിച്ചു