ന്യൂഡെൽഹി: ഡെൽഹിയിൽ ഉഷ്ണതരംഗം രൂക്ഷമാകുന്ന സാഹചര്യത്തിൽ സംസ്ഥാനത്തിന്റെ വിവിധ മേഖലകളിൽ റെക്കോർഡ് താപനിലയാണ് നിലവിൽ രേഖപ്പെടുത്തുന്നത്. 49.2 ഡിഗ്രി താപനിലയാണ് വടക്കുപടിഞ്ഞാറൻ ഡെൽഹിയിൽ രേഖപ്പെടുത്തിയത്. കൂടാതെ രാജ്യത്ത് മിക്കയിടങ്ങളിലും ഉഷ്ണതരംഗം രൂക്ഷമാകുന്ന പശ്ചാത്തലത്തിൽ കാലാവസ്ഥാ കേന്ദ്രം ഓറഞ്ച് അലർടും പ്രഖ്യാപിച്ചിട്ടുണ്ട്
ഗുരുഗ്രാമിൽ 48.1 താപനിലയാണ് രേഖപ്പെടുത്തിയത്. 1966ന് ശേഷം ഇവിടെ രേഖപ്പെടുത്തുന്ന ഏറ്റവും ഉയർന്ന താപനിലയാണ് ഇത്. കൂടാതെ പാലം ഏരിയയിൽ 46.6 ഡിഗ്രി താപനിലയും, ആര്യ നഗറിൽ 46.8 ഡിഗ്രി താപനിലയും സ്പോർട്സ് കോംപ്ളക്സിൽ 48.4 ഡിഗ്രി താപനിലയും ഞായറാഴ്ച രേഖപ്പെടുത്തി.
അതേസമയം ഡെൽഹിയിലെ ഏറ്റവും കുറഞ്ഞ താപനില രേഖപ്പെടുത്തിയിട്ടുള്ളത് മയൂർ വിഹാർ ഏരിയയിലാണ്. 45.5 ഡിഗ്രി സെൽഷ്യസാണ് ഇവിടുത്തെ താപനില. ഉഷ്ണതരംഗം രൂക്ഷമാകുന്നതിനിടെ തന്നെ ഡെൽഹിയിൽ ഇടിമിന്നലിനും പൊടിക്കാറ്റിനും സാധ്യതയുണ്ടെന്നും കാലാവസ്ഥാ കേന്ദ്രം മുന്നറിയിപ്പ് നൽകിയിട്ടുണ്ട്.
Read also: അഞ്ച് ജില്ലകളിൽ റെഡ് അലർട്, ഏഴിടങ്ങളിൽ ഓറഞ്ച്; ജാഗ്രത