ഹെനാന്‍: ചൈനയിലെ ഹെനാന്‍ പ്രവശ്യയിലുണ്ടായ കനത്ത മഴയില്‍ ഒരാള്‍ മരിച്ചു. രണ്ടു പേരെ കാണാതായി. കഴിഞ്ഞ 60 വര്‍ഷത്തിനിടെ ലഭിച്ച ഏറ്റവും വലിയ മഴയാണ് ഇവിടെ രേഖപ്പെടുത്തിയിരിക്കുന്നത് എന്നാണ് റിപ്പോർട്ടുകൾ വ്യക്‌തമാക്കുന്നത്‌.
ശക്‌തമായ മഴയെ തുടർന്ന് ഹെനാനിലെ ഷെങ്‌ഷൂ നഗരത്തില്‍ വലിയ വെള്ളപ്പൊക്കമാണ് ഉണ്ടായിരിക്കുന്നത്. 80ലധികം ബസ് ലൈനുകളും സബ്‌വേ സർവീസും താൽക്കാലികമായി നിർത്തിവെച്ചിട്ടുണ്ട്. സിങ്‌ഹുവയുടെ കണക്കനുസരിച്ച് 260 വിമാനങ്ങൾ ഷെങ്‌ഷൂ വിമാനത്താവളം റദ്ദാക്കിയിട്ടുണ്ട്. മിക്കയിടങ്ങളിലും വൈദ്യുതി തടസപ്പെട്ടതായും പ്രാദേശിക മാദ്ധ്യമങ്ങൾ റിപ്പോർട് ചെയ്‌തു. നഗരത്തില്‍ റെഡ് അലര്‍ട് പ്രഖ്യാപിച്ചിരിക്കുകയാണ്. വെള്ളപ്പൊക്ക ദുരിതാശ്വാസ സംഘത്തെ ഹെനാനിലേക്ക് അയച്ചിട്ടുണ്ട്.
പതിനായിരത്തിലധികം പേരെ ഇതിനോടകം സ്‌ഥലം മാറ്റിയതായി ചൈനീസ് മാദ്ധ്യമങ്ങൾ റിപ്പോർട് ചെയ്യുന്നു. മരണസംഖ്യ ഇനിയും ഉയരാനാണ് സാധ്യത.
1/3 Some really distressing videos coming out of Zhengzhou in central China – this driver looks rather calm under pressure. But other videos on WeChat show what appear to be people clearly struggling to keep their heads above the flood waters. Death toll so far is 1, 2 missing pic.twitter.com/P8dEk1B1iC
— Bill Birtles (@billbirtles) July 20, 2021
Most Read: പീഡന പരാതി ഒത്തുതീർപ്പാക്കാൻ ശ്രമിച്ചെന്ന ആരോപണം; മുഖ്യമന്ത്രിക്ക് വിശദീകരണം നൽകി എകെ ശശീന്ദ്രൻ
