ശ്രീനഗർ: ജമ്മു കശ്‌മീരിൽ മഞ്ഞുവീഴ്‌ച ശക്‌തമായി. ബുദ്‌ഗാമിൽ കാറ്റിലും മഞ്ഞുവീഴ്‌ചയിലും പെട്ട് ഒറ്റപ്പെട്ടുപോയ 16 പേരെ പോലീസ് രക്ഷപ്പെടുത്തി.
ജമ്മു കശ്‌മീരിന്റെ താഴ്‌ന്ന ഭാഗങ്ങളിൽ കനത്ത മഴയും ഉയർന്ന പ്രദേശങ്ങളിൽ മഞ്ഞുവീഴ്‌ചയും ശക്‌തമാണ്. മഞ്ഞ് വീണ് ദേശീയ പാതകളിലടക്കം ഗതാഗതം മുടങ്ങി. അതേസമയം, ഉത്തരാഖണ്ഡിൽ മഞ്ഞുവീഴ്‌ചക്കൊപ്പം വീണ്ടും മഴ ശക്‌തമാവുകയാണ്. വരും മണിക്കൂറിൽ ഉത്തരകാശി, ഡെറാഡൂൺ, ചമോലി, ഹരിദ്വാർ, നൈനിറ്റാൾ, ചമ്പാവത്ത് ജില്ലകളിൽ മഴ കൂടുതൽ ശക്‌തി പ്രാപിക്കുമെന്ന് കാലാവസ്‌ഥാ വകുപ്പ് മുന്നറിയിപ്പ് നൽകിയിട്ടുണ്ട്.
മഴക്കെടുതിയിൽ ഉത്തരാഖണ്ഡിൽ മരിച്ചവരുടെ എണ്ണം 75 ആയി. ഉത്തരകാശിയിൽ കാണാതായ രണ്ട് പർവതാരോഹകർക്കായുള്ള തിരച്ചിൽ പ്രതികൂല കാലാവസ്‌ഥ കാരണം നിർത്തിവച്ചു. വടക്കൻ പശ്‌ചിമബംഗാൾ മേഖലയായ ഡാർജിലിങ്ങിൽ മഴ ഇപ്പോഴും തുടരുകയാണ്. മഴക്കെടുതി രൂക്ഷമായ ഡാർജിലിങ്ങിൽ സ്‌ഥിതിഗതികൾ വിലയിരുത്താൻ മുഖ്യമന്ത്രി മമതാ ബാനർജി ഇന്ന് സന്ദർശനം നടത്തും.
ഡെൽഹിയിലും ഇന്ന് കനത്തമഴയ്‌ക്ക് സാധ്യയുണ്ടെന്നാണ് കാലാവസ്‌ഥ മുന്നറിയിപ്പ്.
Also Read: വൃഷ്‌ടി പ്രദേശങ്ങളിൽ ശക്‌തമായ മഴ; മുല്ലപ്പെരിയാറിൽ ജലനിരപ്പ് ഉയരുന്നു
