പാചക എണ്ണകൾ ഉപയോഗിക്കുമ്പോൾ നിർബന്ധമായും അറിഞ്ഞിരിക്കേണ്ടവ

By News Desk, Malabar News

നമ്മുടെ ദൈനം ദിന ജീവിതത്തതിൽ ഒഴിച്ചുകൂടാനാവാത്ത ഒന്നാണ് എണ്ണകൾ. പാചകത്തിനും മുടിയിൽ പുരട്ടാനും മസാജ് ചെയ്യാനുമൊക്കെയായി ദിവസവും നാം വിവിധ തരം എണ്ണകൾ ഉപയോഗിക്കാറുണ്ട്. ഇതിൽ നാം ഏറ്റവും കൂടുതൽ ബോധവാൻമാരാകേണ്ടത് പാചക എണ്ണകളുടെ കാര്യത്തിലാണ്. നാം കഴിക്കുന്ന ഭൂരിഭാഗം ഭക്ഷണങ്ങളിലും നമ്മൾ എണ്ണ ഉപയോഗിക്കാറുണ്ട്.

അതിനാൽ തന്നെ പാചക എണ്ണകളെ സൂക്ഷിച്ചില്ലെങ്കിൽ അത് പല അസുഖങ്ങൾക്കും കാരണമാകും. ശരീരീരത്തിന്റെ ആരോഗ്യത്തെ തന്നെ നശിപ്പിച്ചു കളഞ്ഞേക്കും. പാചക എണ്ണകൾ ഉപയോഗിക്കുമ്പോൾ നിർബന്ധമായും അറിഞ്ഞിരിക്കേണ്ട ചില കാര്യങ്ങളാണ് ഇനി പറയുന്നത്.

ഒന്നാമതായി നാം മനസിലാക്കേണ്ടത് പാചക എണ്ണകൾ പെട്ടന്ന് തന്നെ കേടാകാന്‍ സാധ്യതയുള്ളവയാണ് എന്നതാണ്. കാലഹരണപ്പെടുകയോ ശരിയായ അവസ്‌ഥയില്‍ സൂക്ഷിക്കുകയോ ചെയ്‌തില്ലെങ്കില്‍ പാചക എണ്ണകള്‍ മോശാകും. അവ സൂക്ഷിച്ചിരിക്കുന്ന കണ്ടെയ്‌നറിന്റെ ഗുണനിലവാരവും കാലാവസ്‌ഥയും ഇതിൽ ഒരു പ്രധാന പങ്ക് വഹിക്കുന്നു. ഇനി ഗുണ നിലവാരമില്ലാത്ത എണ്ണകള്‍ ശരിയായി സംഭരിച്ചാലും വേഗത്തില്‍ നശിക്കും. അതിനാൽ തന്നെ പാചകത്തിന് ഉപയോഗിക്കാൻ ഗുണ നിലവാരമുള്ള എണ്ണകൾ തന്നെ തിരഞ്ഞെടുക്കുക.

അടുത്തതായി ശ്രദ്ധിക്കേണ്ടത് വെജിറ്റബിള്‍ ഓയില്‍, ഒലിവ് ഓയില്‍, പീനട്ട് ഓയില്‍, വെളിച്ചെണ്ണ, കടുക് എണ്ണ, നെയ്യ് തുടങ്ങിയ ചില എണ്ണകള്‍ എപ്പോഴും ഊഷ്‌മാവില്‍ സൂക്ഷിക്കണം എന്നുള്ളതാണ്. ഇവ നല്ല നിലവാരമുള്ള പാത്രങ്ങളില്‍ തണുത്തതും വരണ്ടതുമായ സ്‌ഥലത്ത് സൂക്ഷിക്കണം. ചൂടുള്ള താപനിലയും സൂര്യപ്രകാശവും എണ്ണകളെ തകര്‍ക്കുകയും അവ വേഗത്തില്‍ നശിക്കുകയും ചെയ്യും.

ഇവയൊക്ക ചെയ്‌തിട്ടും എണ്ണകൾ മോശമായാലോ.. അത് എങ്ങനെ മനസിലാക്കാം എന്ന് നോക്കാം. ഇത് അറിയാൻ ധാരാളം വഴികളുണ്ട്. ആദ്യമായി മനസിലാക്കേണ്ടത് അതിന്റെ ഗന്ധം മാറുന്നതാണ്. എണ്ണയില്‍ നിന്ന് സാധാരണ വാസനയില്‍ നിന്ന് വളരെ വ്യത്യസ്‌തമായ പുളിച്ചതോ ചീഞ്ഞതോ ആയ ദുര്‍ഗന്ധം വരുന്നത് ശ്രദ്ധയില്‍പ്പെട്ടാല്‍, നിങ്ങളുടെ എണ്ണ മോശമായി എന്നുറപ്പിക്കാം. എണ്ണ നിറം മാറ്റുകയോ അതില്‍ പൂപ്പല്‍ വളരുന്നത് കാണുകയോ ചെയ്‌താലും എണ്ണ മോശമായി എന്നുള്ള സൂചനയാണ്.

Read Also: വീട്ടിൽ മദ്യം സൂക്ഷിക്കാൻ ലൈസൻസ് നിർബന്ധം; യുപി സർക്കാർ

പാചക എണ്ണകൾ സൂക്ഷിച്ചു വെക്കുന്നതിലേക്ക് ഇനി വരാം. ഒരു വലിയ കുപ്പി എണ്ണ ഉണ്ടെങ്കില്‍, അതില്‍ നിന്ന് ഒരു ചെറിയ കുപ്പിയിലേക്ക് അല്‍പം മാറ്റി വെക്കണം. എന്നിട്ട് അതില്‍ നിന്ന് വേണം ദിവസേനയുള്ള പാചകത്തിന് വേണ്ടി എണ്ണ ഉപയോഗിക്കേണ്ടത്. ആ എണ്ണ തീര്‍ന്നുപോകുമ്പോള്‍ വീണ്ടും നിറക്കുക. മുഴുവൻ എണ്ണയും തുറക്കുന്നതിലും അടക്കുന്നതിലൂടെയും ഉണ്ടാകുന്ന ബുദ്ധിമുട്ടിൽ നിന്ന് ഇത് സംരക്ഷിക്കും. വലിയ കുപ്പിയിലെ എണ്ണ എപ്പോഴും പുതിയതായി നിലനിൽക്കും.

സൂര്യകാന്തി എണ്ണ, എള്ള് എണ്ണ തുടങ്ങിയ ചില എണ്ണകള്‍ മറ്റ് എണ്ണകളേക്കാള്‍ മൃദുവായതിനാല്‍ റഫ്രിജറേറ്ററില്‍ സൂക്ഷിക്കണം. റഫ്രിജറേറ്ററില്‍ സൂക്ഷിക്കുമ്പോള്‍ ഈ എണ്ണകളുടെ അവസ്‌ഥ മാറാം, പക്ഷേ അവ മോശമാകില്ല. തണുത്ത താപനില എണ്ണകളെ പുതിയതായി നിലനിര്‍ത്താന്‍ സഹായിക്കുന്നു. ഉപയോഗിക്കുന്നതിന് 30 മിനിറ്റ് മുൻപ് മാത്രം എണ്ണ സാധാരണ സ്‌ഥാനത്ത് വെക്കുക.

എ‌പ്പോഴും പാചക എണ്ണകള്‍ ശുദ്ധമായ പാത്രത്തിലോ പാത്രത്തിലോ സൂക്ഷിക്കുന്നുണ്ടെന്ന് ഉറപ്പാക്കുക. ഗ്ളാസ് അല്ലെങ്കില്‍ മെറ്റല്‍ പാത്രങ്ങളാണ് എണ്ണ സംഭരിക്കുന്നതിനുള്ള ഏറ്റവും നല്ല മാര്‍ഗം. റഫ്രിജറേറ്ററില്‍ സംഭരിക്കുകയാണെങ്കില്‍, തണുത്ത പ്രതിരോധ ശേഷിയുള്ള പാത്രങ്ങള്‍ ഉപയോഗിക്കുന്നുവെന്ന് ഉറപ്പാക്കുക. ഏത് തരത്തിലുള്ള എണ്ണയാണെങ്കിലും അവ വെളിച്ചത്തില്‍ നിന്ന് അകറ്റി നിര്‍ത്തേണ്ടത് പ്രധാനമാണ്. ഇവയൊക്കെ ശ്രദ്ധിച്ചാൽ നമ്മുടെ എണ്ണകളെ കേടുപാടുകൾ ഇല്ലാതെ നമുക്ക് നിലനിർത്താൻ സാധിക്കും. ഒപ്പം നമ്മുടെ ആരോഗ്യത്തെയും.

National News: കശ്‌മീരിൽ സൈനിക ഹെലികോപ്‌ടർ തകർന്ന് വീണു; രണ്ട് പൈലറ്റുമാരുടെ നില ഗുരുതരം

Mechart

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE