തിരുവനന്തപുരം: റിപ്പബ്‌ളിക് ദിനത്തോട് അനുബന്ധിച്ചുള്ള രാഷ്‌ട്രപതിയുടെ പോലീസ് മെഡലുകളിൽ പത്തെണ്ണം കേരളത്തിന്. വിശിഷ്‌ട സേവനത്തിനുള്ള മെഡൽ ഇന്റലിജൻസ് അഡീഷണൽ ഡയറക്‌ടർ ജനറൽ ടികെ വിനോദ് നേടിയപ്പോൾ 9 പേർക്ക് സ്‌തുത്യർഹ സേവനത്തിനുള്ള മെഡൽ ലഭിച്ചു.
ഐജി ഹർഷിത അട്ടലൂരി, പോലീസ് ട്രെയിനിങ് കോളേജ് എസ്‌പി കെഎൽ ജോണിക്കുട്ടി, വിജിലൻസ് എസ്‌പി എൻ രാജേഷ്, മലപ്പുറത്തെ ഡെപ്യൂട്ടി കമാൻഡന്റ് ബി അജിത് കുമാർ, കോഴിക്കോട് ഡെപ്യൂട്ടി കമ്മീഷണർ കെപി അബ്‌ദുൾ റസാഖ്, കാസർഗോഡ് ഡിവൈഎസ്‌പി ഹരീഷ് ചന്ദ്ര നായക്, കൊല്ലം കരുനാഗപ്പള്ളി സിഐ എസ് മഞ്‌ജു ലാൽ, വൈക്കം എസ്‌ഐ കെ നാസർ, മലപ്പുറം എസ്‌പി ഓഫീസിലെ കെ വൽസല എന്നിവരാണ് സ്‌തുത്യർഹ സേവന മെഡലിന് അർഹരായത്.
ഈ വർഷം ആകെ 946 പേർക്കാണ് പോലീസ് മെഡലുകൾ പ്രഖ്യാപിച്ചത്. ധീരതക്കുള്ള മെഡലിന് ഇത്തവണ കേരളത്തിൽ നിന്ന് ആരും അർഹത നേടിയില്ല.
Also Read: പാർട്ടി നിർദ്ദേശിച്ചാൽ മാത്രം മൽസരിക്കും; നിലപാട് വ്യക്‌തമാക്കി ഉമ്മൻ‌ചാണ്ടി
