കൊച്ചി: കേരളത്തില്‍ സിനിമാ ചിത്രീകരണം അനുവദിക്കണോ എന്ന കാര്യം ചര്‍ച്ച ചെയ്‌ത്‌ തീരുമാനിക്കേണ്ട വിഷയമാണെന്ന് സിനിമാ, സാസ്‌കാരിക വകുപ്പ് മന്ത്രി സജി ചെറിയാന്‍. തെലങ്കാന നല്ല സ്‌ഥലമാണെങ്കില്‍ അവിടെ ചിത്രീകരണം നടത്തട്ടെ. അതില്‍ പ്രശ്‌നമൊന്നുമില്ല. കോവിഡ് പ്രതിരോധത്തിന് എല്ലാവരും സഹകരിക്കുകയെന്നതാണ് സര്‍ക്കാര്‍ നയം. ഏതെങ്കിലുമൊരു പടത്തിന് അനുമതി നല്‍കണമോയെന്നത് ചര്‍ച്ച ചെയ്‌ത്‌ തീരുമാനിക്കേണ്ട വിഷയമാണെന്നും സജി ചെറിയാന്‍ പറഞ്ഞു.
കോവിഡിനെ തുടർന്ന് ഏർപ്പെടുത്തിയ ലോക്ക്ഡൗൺ നിയന്ത്രണങ്ങള്‍ കൈകാര്യം ചെയ്യുന്നത് താനല്ല. കോവിഡ് എല്ലാ മേഖലയിലും പ്രതിസന്ധി സൃഷ്‌ടിച്ചിട്ടുണ്ട്. അതിനാല്‍ ഉചിതമായ സമയത്ത് തീരുമാനമെടുക്കുമെന്നും മന്ത്രി പറഞ്ഞു. കേരളത്തില്‍ ചിത്രീകരണത്തിന് അനുമതി നല്‍കാത്ത സാഹചര്യത്തില്‍ സിനിമ ഷൂട്ടിങ്ങുകള്‍ തെലങ്കാനയിലേക്ക് മാറ്റാന്‍ മലയാള സിനിമാ മേഖല തീരുമാനിച്ചതിന് പിന്നാലെയാണ് മന്ത്രിയുടെ പ്രതികരണം.
Read Also: നിയമസഭാ കയ്യാങ്കളി; പൊതുമുതല്‍ നശിപ്പിച്ചതിന് പിന്നിലെ പൊതുതാൽപര്യം എന്തെന്ന് സുപ്രീം കോടതി
