തിരുവനന്തപുരം: കേരള ചലച്ചിത്ര അക്കാദമിയുടെ ഈ വർഷത്തെ ലൈഫ് ടൈം അച്ചീവ്മെന്റ് പുരസ്കാരത്തിന് ഫ്രഞ്ച് ചലച്ചിത്രകാരന് ഷീന് ലുക് ഗൊദാര്ദ് അർഹനായി. അക്കാദമി ചെയര്മാന് കമല് ആണ് ഇക്കാര്യം അറിയിച്ചിരിക്കുന്നത്. ഷീന് ലുക് ഗൊദാര്ദിന്റെ അസാന്നിദ്ധ്യത്തില് സംവിധായകന് അടൂര് ഗോപാലകൃഷ്ണന് പുരസ്കാരം ഏറ്റുവാങ്ങും. കൂടാതെ രാജ്യാന്തര ചലച്ചിത്ര മേളയുടെ ഡെലിഗേറ്റ് രജിസ്ട്രേഷന് 30 മുതല് ആരംഭിക്കുമെന്നും കമല് അറിയിച്ചു.
ഫെബ്രുവരി 12 മുതല് 19 വരെയാണ് ഐഎഫ്എഫ്കെ. കോവിഡ് പശ്ചാത്തലത്തിൽ വിപുലമായ ആഘോഷങ്ങള് ഇല്ലാതെയാണ് ഐഎഫ്എഫ്കെ നടക്കുന്നത്. ഇത്തവണ തിരുവനന്തപുരം, എറണാകുളം, പാലക്കാട്, തലശ്ശേരി തുടങ്ങി നാല് മേഖലകളിലായാണ് ഐഎഫ്എഫ്കെ നടക്കുന്നത്.
ഒരു സ്ഥലത്ത് മാത്രമേ ഒരാള്ക്ക് രജിസ്റ്റര് ചെയ്യാന് സാധിക്കുകയുള്ളു. മാത്രവുമല്ല റിസര്വേഷന് ചെയ്യുന്നവര്ക്ക് മാത്രമേ സിനിമ കാണാന് സാധിക്കുകയുള്ളു എന്ന് അധികൃതർ വ്യക്തമാക്കി. ആലപ്പുഴയില് ഉള്ളവര്ക്ക് തിരുവനന്തപുരത്തു രജിസ്ട്രേഷന് ചെയ്യാം. കൂടാതെ ആലപ്പുഴ, കൊല്ലം, പത്തനംതിട്ട ജില്ലകളില് നിന്നുള്ളവര്ക്ക് തിരുവനന്തപുരം മേഖലയിലും രജിസ്റ്റര് ചെയ്യാം. തിരുവനന്തപുരം 2500, എറണാകുളം 2500, പാലക്കാട് 1500, തലശ്ശേരി 1500 എന്നിങ്ങനെയാണ് പാസുകള് വിതരണം ചെയ്യുക.
പാസ് നല്കുന്നതിന് മുൻപ് ആന്റിജന് പരിശോധന ഉണ്ടാകും. കോവിഡ് നെഗറ്റീവ് ആയവര്ക്ക് മാത്രമാണ് പ്രവേശനം. പരിശോധനയുടെ പൂര്ണ ചിലവ് വഹിക്കുക അക്കാദമിയാണ്.
Read Also: സംസ്ഥാനത്ത് കോവിഡ് കേസുകൾ കൂടുതലെന്ന പ്രസ്താവന വസ്തുതകൾ മനസിലാക്കാതെ; ആരോഗ്യമന്ത്രി