കവരത്തി: സര്‍ക്കാര്‍ ഭൂമിയിലെ നിര്‍മാണമെന്ന് ആരോപിച്ച് ലക്ഷദ്വീപ് മിനിക്കോയിയിലെ മദ്രസക്ക് ഭരണകൂടത്തിന്റെ നോട്ടീസ്. മിനിക്കോയ് ദ്വീപിലെ അല്‍ മദ്‌റസത്തുല്‍ ഉലൂമിയക്കാണ് ഡെപ്യൂട്ടി കളക്‌ടർ കാരണം കാണിക്കല്‍ നോട്ടീസ് നല്‍കിയത്. 1965ലെ ലക്ഷദ്വീപ് ലാന്‍ഡ് റവന്യൂ ആന്‍ഡ് ടെനന്‍സി റെഗുലേഷന്‍ മറികടന്ന് ഭൂമി കയ്യേറിയാണ് നിര്‍മാണം നടന്നിരിക്കുന്നതെന്നാണ് ആരോപണം.
ജൂലൈ 26ന് മുൻപ് മറുപടി നല്‍കണമെന്നും വെള്ളിയാഴ്‌ച പുറത്തിറക്കിയ നോട്ടീസില്‍ ആവശ്യപ്പെടുന്നു. ഇത് പ്രകാരം മറുപടി ലഭിച്ചില്ലെങ്കില്‍ എതിര്‍പ്പില്ലെന്ന് കണക്കാക്കി മുന്‍കൂട്ടി അറിയിക്കാതെ തുടര്‍നടപടികള്‍ സ്വീകരിക്കുമെന്നും നോട്ടീസിൽ വ്യക്‌തമാക്കിയിട്ടുണ്ട്. മദ്രസാ പ്രസിഡണ്ടിന്റെ പേരിലാണ് കാരണം കാണിക്കല്‍ നോട്ടീസ് അയച്ചിരിക്കുന്നത്.
Also Read: സ്‌റ്റാന്‍ സ്വാമിയുടെ മരണം; ചര്‍ച്ച ആവശ്യപ്പെട്ട് ലോക്‌സഭയില്‍ നോട്ടീസ്
