തിരുവനന്തപുരം: സമൂഹ മാദ്ധ്യമങ്ങളിലൂടെ അപകീർത്തിപരമായ പരാമർശങ്ങൾ നടത്തുന്നവർക്കെതിരെ ഉടൻ നടപടിയെടുക്കുമെന്ന് മുഖ്യമന്ത്രി പിണറായി വിജയൻ. സൈബർ ക്രൈം പോലീസ് സ്റ്റേഷനുകൾ ഉൽഘാടനം ചെയ്ത് സംസാരിക്കുകയായിരുന്നു അദ്ദേഹം. ഇതിനു വേണ്ടി പോലീസ് ആക്ട് ഭേദഗതി ചെയ്യുമെന്നും മുഖ്യമന്ത്രി പറഞ്ഞു.
Related News: കേരള പോലീസ് ആക്ടിൽ ഭേദഗതി; ലക്ഷ്യം സമൂഹ മാദ്ധ്യമങ്ങളിലെ അധിക്ഷേപ നിയന്ത്രണം
അപകീർത്തിപരമായ പരാമർശങ്ങൾ നടത്തുന്നവർക്കെതിരെ കൃത്യമായ ശിക്ഷ ഉറപ്പ് വരുത്തുക സർക്കാരിന്റെ ഉത്തരവാദിത്തമാണ്. പോലീസ് ആക്ട് ഭേദഗതി ചെയ്യുന്നതോടെ സൈബർ കേസുകളിൽ നടപടിയെടുക്കാനുള്ള പരിമിതി നീങ്ങുമെന്നും അദ്ദേഹം വ്യക്തമാക്കി. പോലീസ് രൂപീകരണ ദിനത്തോടനുബന്ധിച്ച് ഓൺലൈനായി നടന്ന പരിപാടിയിൽ സേനാംഗങ്ങളുടെ അഭിവാദ്യവും അദ്ദേഹം സ്വീകരിച്ചു.