കൽപ്പറ്റ: കോവിഡ് വ്യാപനത്തിനിടയിലും വാക്സിനേഷനിൽ കൈവരിച്ച പുരോഗതി ജില്ലയ്ക്ക് നേട്ടമാവുന്നു. 18 വയസിന് മുകളിൽ പ്രായമുള്ള ജില്ലയിലെ 66 ശതമാനം പേരും ആദ്യ ഡോസ് സ്വീകരിച്ചു. ശേഷിക്കുന്ന 34 ശതമാനത്തിനും വാക്സിൻ നൽകാനുള്ള നടപടി പുരോഗമിക്കുകയാണ്. ആകെയുള്ള 6,51,967 പേരിൽ 4,94,106 പേരും ഇതുവരെ വാക്സിനെടുത്തു. 29.2 ശതമാനം പേരാണ് രണ്ട് ഡോസും സ്വീകരിച്ചത്.
45 വയസിന് മുകളിലുള്ളവരിൽ 2,76,861 പേർ ആദ്യ ഡോസ് കുത്തിവെപ്പെടുത്തു. ഇതിൽ 1,56,809 പേർ (56.6 ശതമാനം) രണ്ടാം ഡോസും സ്വീകരിച്ചു. 18 വയസിനും 44 വയസിനും ഇടയിൽ 48.5 ശതമാനം പേർക്ക് സമ്പൂർണ വാക്സിനേഷൻ (രണ്ട് ഡോസുകളും) നൽകി. വാക്സിനേഷൻ ലഭിച്ചവർക്ക് കോവിഡ് പിടിപെട്ടാലും ഗുരുതര ആരോഗ്യ പ്രശ്നങ്ങൾ ഉണ്ടാവാറില്ലെന്ന് ആരോഗ്യവകുപ്പ് അധികൃതർ വ്യക്തമാക്കി.
Read Also: ബന്ധുനിയമനം; കെടി ജലീൽ സുപ്രീം കോടതിയെ സമീപിച്ചു