കണ്ണൂർ: കവര്‍ച്ചാ സംഘത്തിന്റെ ആക്രമണത്തിന് ഇരയായ വയോധിക മരിച്ച സംഭവത്തിൽ പ്രതി പിടിയിൽ. അസം ബാർപെറ്റ സ്വദേശി മോയിബുൾ ഹക് ആണ് അറസ്‌റ്റിലായത്‌. സെപ്റ്റംബർ 23ന് ആണ് കേസിനാസ്‌പദമായ സംഭവം നടന്നത്.
കണ്ണൂരിലെ വാരത്ത് വീട്ടിൽ തനിച്ച് താമസിക്കുകയായിരുന്ന പികെ ആയിഷയെ(75) ആണ് കവർച്ചാ സംഘം മോഷണത്തിനിടെ ആക്രമിച്ചത്. തുടർന്ന് ചികിൽസയിലിരിക്കെ ആണ് ആയിഷ മരിച്ചത്. ഇവരുടെ ഇരു കാതുകളില്‍ നിന്നും മോഷ്‌ടാക്കൾ സ്വര്‍ണം കവര്‍ന്നിരുന്നു. മൂന്ന് പേർ അടങ്ങിയ സംഘമാണ് മോഷണത്തിന് പിന്നിലെന്നാണ് സൂചന.
Most Read: ഡ്യൂട്ടി ഡോക്‌ടറെ പഞ്ചായത്ത് പ്രസിഡണ്ട് കയ്യേറ്റം ചെയ്‌തതായി പരാതി
