ന്യൂഡെൽഹി: കഴിഞ്ഞ 24 മണിക്കൂറിനിടെ രാജ്യത്ത് 9,283 പുതിയ കോവിഡ് കേസുകൾ റിപ്പോർട് ചെയ്തതായി കേന്ദ്ര ആരോഗ്യ മന്ത്രാലയം അറിയിച്ചു. 10,949 പേർ രോഗമുക്തി നേടിയപ്പോൾ 437 മരണങ്ങളും റിപ്പോർട് ചെയ്തിട്ടുണ്ട്.
98.33 ശതമാനമാണ് രോഗമുക്തി നിരക്ക്. ഇതുവരെയുള്ള ഏറ്റവും ഉയർന്ന നിരക്കാണിത്.
പുതിയ കേസുകളിൽ കൂടുതലും റിപ്പോർട് ചെയ്തിരിക്കുന്നത് കേരളത്തിലാണ്. കഴിഞ്ഞ 24 മണിക്കൂറിനിടെ 4,972 പേർക്കാണ് കേരളത്തിൽ കോവിഡ് സ്ഥിരീകരിച്ചത്. 60,265 സാമ്പിൾ പരിശോധനയ്ക്ക് വിധേയമാക്കി. രോഗമുക്തി നേടിയവർ 5,978 പേരും കോവിഡ് മരണം സ്ഥിരീകരിച്ചത് 57 പേർക്കുമാണ്.
നിലവിൽ 1,11,481 സജീവ കേസുകളാണ് രാജ്യത്തുള്ളത്. 537 ദിവസങ്ങൾക്കിടെ ആദ്യമായാണ് സജീവ കേസുകൾ ഇത്രയും കുറവ് റിപ്പോർട് ചെയ്യുന്നത്.
അതേസമയം രാജ്യത്ത് വാക്സിനേഷനും പുരോഗമിക്കുകയാണ്. ഇതുവരെ 118.44 കോടി വാക്സിൻ ഡോസുകളാണ് രാജ്യത്തുടനീളം വിതരണം ചെയ്തത്.
Most Read: മോഫിയയുടെ ആത്മഹത്യ; ഭർത്താവ് സുഹൈലും മാതാപിതാക്കളും പിടിയിൽ